[VivaSyria]

كاتب النص الأصلي : محمد ابراهيم

الله وكيلك حرقة دم ، ما متعود ،قطعوه 3 مرات منهم مرتين بينهم 3 ساعات ، الله يكون بعون المقطوع عنهم .


صار لبث واعتقدت ان الاية اللي اوردتها بمشاركتها هي بحيثيات الدعوى ، ولكن على كل حال ردي واحد على الفكرة سواء انت مصدرها او المدعي ، لن اشترك بنقاش حول صحة النص القرءاني .
والله موضوع مسلمات الدين لاقي ترحيب عندي (بس لا تكون مغير المصطلح والمعنى واحد ، مستغلا فارق الامكانات الفهمية بيني وبينك ، أزعل منك )

لبس وليس لبث .. المهم أخي أنا وين قلتلك ناقشني بصحة النص القرآني؟؟ بالعكس اقرا قصة "البقبيق" بتعرف اني عم طالب باحترام تفاصيل القناغات الشخصية كالأديان والمذاهب لكن بالمقابل أطالب بتحييدها كدليل.. بمعنى وقت قلك انو في نص قرآني بيقول "في السماء رزقكم وماتوعدون" بيكون المفهوم واضخ دون الخوض بالتفاسير المتعددة والتبريرات المتناقضة مع بعضها...

أما مفهومي لمسلمات الدين أو حتى فيك تعتبرها مسلمات كافة الأديان فمانو بحاجة لشرح وبوعدك إنو مافيه أي كمين..

شوف يا معلم
موضوع الحادثة تبع السيارة هذا قضاء وقدر ، انا مؤمن بالقضاء والقدر خيره وشره لانه جزء من الايمان بالله .

بالمناسبة عنا بشبرا محلات لبيع المنكر والعياذ بالله هاي شبرا مو المدينه المنوره

المهم ، بموضوع حاث السيارة المسئولية قد تعود علي اذا ما نظرت الى الطريق وانا سائر وقد تعود على سائق السيارة اذا لم ينتبه الى الطريق هو وقد تعود الى شخص اخر سوء صيانة السيارة اثناء التصليح بالبورشة او عدم اهتمام صاحب السيارة بصيانتها ، قد تكون الفرام بها عيب وهكذا وممكن اخرج لك ب100 سبب لحدوث الحادث ليصبح عندنا 100 مسئولية عن حدوث الحادث ليس بينهم "الله"
ما اتفقنا من شوي برد سابق اني لو جيت طعنتك بسكين بكون انا المسئول عن موتك مو الله !!
ليش بدك تخلي الله مسئول عن كل شيئ سلبي صار او رح يصير !! تفكير غريب ، بدك الله يكون شماعة نعلق عليها اخطائنا بدل ما نحاسب حالنا عن هالاخطاء .
ابو شريك انا ما بقول بموضوع الايمان بالقضاء والقدر اني اطعنك بكسين واقول هاد قضاء وقدر (لاء انا مسئول تماما عن موتك ) هاد اللي بدي قولو .

في نقطة هامة ، موضوع سقوط الطائرات مجاعات افريقيا الكوارث وهكذا ، محاولة فاشلة منك لتشتيتي عن الموضوع الرئيسي خلينا بالدعوى القضائية والافكار الواردة فيها مع التركيز على قضية الرزق وتبعاتها .
هامش داخلي : حاولت تشتتني قبل مرة وما نجحت ، ردي عليك هو حاول ثانية .
شوف يا معلم
موضوع الحادثة تبع السيارة هذا قضاء وقدر ، انا مؤمن بالقضاء والقدر خيره وشره لانه جزء من الايمان بالله .
بالمناسبة عنا بشبرا محلات لبيع المنكر والعياذ بالله هاي شبرا مو المدينه المنوره

المهم ، بموضوع حاث السيارة المسئولية قد تعود علي اذا ما نظرت الى الطريق وانا سائر وقد تعود على سائق السيارة اذا لم ينتبه الى الطريق هو وقد تعود الى شخص اخر سوء صيانة السيارة اثناء التصليح بالبورشة او عدم اهتمام صاحب السيارة بصيانتها ، قد تكون الفرام بها عيب وهكذا وممكن اخرج لك ب100 سبب لحدوث الحادث ليصبح عندنا 100 مسئولية عن حدوث الحادث ليس بينهم "الله"
ما اتفقنا من شوي برد سابق اني لو جيت طعنتك بسكين بكون انا المسئول عن موتك مو الله !!
ليش بدك تخلي الله مسئول عن كل شيئ سلبي صار او رح يصير !! تفكير غريب ، بدك الله يكون شماعة نعلق عليها اخطائنا بدل ما نحاسب حالنا عن هالاخطاء .
ابو شريك انا ما بقول بموضوع الايمان بالقضاء والقدر اني اطعنك بكسين واقول هاد قضاء وقدر (لاء انا مسئول تماما عن موتك ) هاد اللي بدي قولو .

في نقطة هامة ، موضوع سقوط الطائرات مجاعات افريقيا الكوارث وهكذا ، محاولة فاشلة منك لتشتيتي عن الموضوع الرئيسي خلينا بالدعوى القضائية والافكار الواردة فيها مع التركيز على قضية الرزق وتبعاتها .
هامش داخلي : حاولت تشتتني قبل مرة وما نجحت ، ردي عليك هو حاول ثانية .

حمودة غريبة مفهوم القضاء والقدر من خلال هاد التحليل... كيف بتغتبر حادث السيارة أو الطيارة قضاء وقدر وإلها مبررات ومابتعتبر الأشياء يلي بيحاسب الله عليها قضاء وقدر؟؟
بمعنى كيف بتبرر حادث السيارة على انو قضاء وقدر ومابتبرر إنو واحد طلع مجرم نتيجة للظروف يلي الله خلقو فيها حسب قناعتك وقناعتي؟؟ في حدا بيخلق حرامي أو قاتل؟؟ مو الظروف هي يلي بتجدد شخصية الإنسان؟؟ ولعلمك انا كان هو مخلوق هيك بغض النظر عن الظرف أو الظرف هو يلي بيحكم شكل شخصيته بالحالتين لايجوز حسابه بناءً على مفهوم الدين للقضاء والقدر...

بالحالتين مابيصير يتحاسب... لانو اذا مخلوق ليطلع مجرم فإذاً ما إلو دور ولاذنب بهالموضوع وإذا الوسط يلي خلق فيه والظرف يلي عاش فيه حكم على شخصيته انها تتكون بهالشكل فكمان ما إلو ذنب.. مثلاً لو الله خلقه بظرف تاني كان ماطلع مجرم وإنما عالم فضاء... من هالحكي بتقدر تعرف مين يلي لازم يتحاسب يوم القيامة..

من هالمنطلق بطالبك تعطيني مفهوم واضح للقضاء والقدر برأيك وحدود تدخل الله... اذا انت بتقول انو الله وقضائه وقدره هو فقط تحديد بداية الحياة ونهايتها اذاً لاحاجة للدعاء لأنه لايتدخل في تفاصيل الحياة..

أما إذا كان رأيك أن القضاء والقدر هو كل تفاصيل الحياة اذاً الدعوى القضائية التي اقامها الشخص صحيحة 100% وحساب البشر على افعالهم هو ظلم مظلق على اعتبار ان الله قدر لهم كل تصرفاتهم ولايستطيعون تغيير قدرهم..

اما عن فكرة العدالة الاجتماعية ، فهي الشي اللي لاقى قبول ومشاعر ايجابية لدي لنقاشه ولكنها ستخرجنا خارج اطار الموضوع الرئيسي ، اكتبلك فكرة ملخصة هلق واذا بدك منكمل عليها هون او بموضوع مستقل ،

انت بدك تحسب الدنيا مصاري وبس ( انت او صاحب الدعوى) يا اخي الرزق زوجة تسعد حياتك او اولاد يفرحو قلبك او سمعة طيبة بين العالم او راحة بال او صحة او ذكرى طيبة العالم تذكرك فيها بعد مماتك او علم او صلة رحم ممدودة بين وبين كل اقربائك واهلك او جيران واصدقاء يقفو جنبك ويساعدوك وقت تحتاجهم ، الله لما خلقنا ما عطانا امتيازات بكل هالنقاط لحكمة لايفقها الا من وسعه الله برحمته وبعلمه ، لو خلقنا الله كاميلين بكل شيئ لما احتجنا لبعض ، خلق اللي عندو علم محتاج للي عندو قوة والتنين محتاجين لبعض وحتاجين للي عندو مال و اللي عندو مال محتاج للي عندو علم وللي عندو قوة وهكذا من اجل تكامل البشر ، انت او غيرك بدكون يكون عندكون كل شيئ علم ومال وقوة وزوجة واولاد وووووو ............ هيك الدنيا الله خلقها كلو محتاج كلو
اللي مفكر انو ما محتاج لحدا بيكون واهم
اللي عندو مال بيحتاج اللي عندو قوة مشان يعملو اعمال وبالمقابل بيعطيه مال وبيحتاج للي عندو علم مشان يشغلو هالمال او مشان يعالجو اذا مرض او .. ، .

أخي أنا ماعم قلك الدنيا مصاري.. بالعكس انا عم قلك حددلي شو الدنيا برأيك؟؟ يعني عطيني أي شي بيشتركو فيه البشر بنفس المقدار وفيه عدالة لقلك هاد مقياس العدالة الإلهية وبرافو عليك قنعتني..
اذا لا بالمال متساويين ولابالصحة متساويين ولابالجمال متساويين.. قد استوعب مثلاً ان كل منهم ينقصه شيئ ويوازنه بالآخر أما أن يكون بعضهم يملك كل شيئ مماسبق والآخر لايملك حتى النذر اليسير من أي شيئ فهاذا ما أطالب بتفسيره...
انت بتقول انو في عدل إلهي أنا بقلك قارن سكان بيفرلي هيلز بسكان العشوائيات بمصر وقلي وين العدل؟؟ قارن أنجيلينا جولي بأحد الأطفال الذين يخلقون بمرض مميت لأبويين فقيرين وقلي وين العدل؟؟

عطيني مقياس واحد للعدالة بين البشر غير قصة الجنة والنار مشان مانرجع لموضوع "البقبيق"... أنا هون محمد وعلى غير كل حواراتنا عم إسألك من كل قلبي... هل إنت مقتنع بالعدالة الإلهية وإلا بتجيير الموضوع للآخرة والجنة والنار لأقتناعك أن مايحصل في هذا الكوكب هو الظلم بعينه؟؟
هل تلجئ لتمنية النفس بالآخرة لعلمك أنه لايوجد نقطة واحدة يشترك فيها البشر بعدالة على هذه الأرض؟؟ الجمال؟؟ المال؟؟ الصحة؟؟ الأطفال؟؟ الحروب؟؟ الكوارث؟؟ أي عدالة هذه؟؟ بالعكس ألا تلاحظ أن من يملك شيئاً أنه من النادر أن تجد كياناً يتمتع بواحدة منها فقط.. بل لاحظ أنها عندما يتوفر الجمال مثلاً يتوفر معه المال والدلال وماشابه أو قد يكون العكس يعني بأي شكل تشاهد أن الظلم يتسع جداً وحتى هذه العوامل لاتتوزع على مخلوقات الله..
حتى على صعيد الدول.. شاهد الدول الفقيرة والتي فيها مجاعة.. يبتليها الله أيضاَ بالحروب "ساعتبره ابتلاء مجازاً" وانتقل بالنظرة الى الدول الغنية.. وشاهد ديموقراطيتها ورفاهيتها.. لك حتى شعبها حلو يازلمة.. صدق شي غريب..
بتلاقي واحد فقير ومريض وفوق البلا بيخلقو ولاده مرضى ومامعو جق علاجون... جير القصة على الجنة والنار لأنو ماعندك حل تاني

يا اخي ليش بتخلط بين هالمشكلة هون تبع هالشخص بمشاكل اخرى يعني شو خص استجابة دعاء عالم تانية هون ، شو مشكلتك انت ؟ هل مشكلة نقاش حالة هالرجل ام نقاش قضية استجابة الدعاء بصفة عامة ؟

يا اخي ليش بتخلط بين هالمشكلة هون تبع هالشخص بمشاكل اخرى يعني شو خص استجابة دعاء عالم تانية هون ، شو مشكلتك انت ؟ هل مشكلة نقاش حالة هالرجل ام نقاش قضية استجابة الدعاء بصفة عامة ؟
بدك تكبر الموضوع وتفتح خمسمية قضية وتشعبها
انا قضيتي هون هي هالرجل ودعواه القضائية وحيثياتها وكل محاولة منك لتفريع هالموضوع او تكبيره رح اواجها بحسم

لذلك رح رد على مايخصو فقط ،

كل شي عم احكيه بيخص دعوى هالشخص.. بس اجباري النقاش بدو يتوسع شوي.. لانو وقت انت تقول الدعاء إلو طريقته فما بتصور انو الدعء بيختص بهاد الشخص... وقت تقلي دعائه ماعم يستجاب لأنو غير مستوفي للشروط اجباري بدي اسألك عن دعء بقية البشر..
برجع بسألك هل برأيك كل المؤمنين حول العالم ماعم يعرفو سر الدعاء الصحيح؟؟ وبرجع بضربلك الأمثلة" فلسطين-العراق-الصومال" - "الجوع- الفقر-الكوارث- الزلازل"... لك دولة متل الصومال كل فقرها وجوعها وفوق البلا حروب وفوق البلا جفاف.. وفوق كل هاد أمراض.. طيب كل اهل الصومال عم يدعو.. وين النتيجة؟؟ شفت انو كل عامل مصيبة بيجر عامل تاني وكل عامل جيد بيجر عوامل تانية حتى لو كان عند أمريكا وإسرائيل مثلاً..

منتعلم منك انت استاذي

انت بتعرف شو هي العدالة الالهية ؟ او انا ؟ مارح نفهما لانها مختلفة عن مفاهيم العدالة البشرية ، نحنا فينا نفهم مفاهيم العدالة البشرية وبصعوبة ومع ذلك منختلف عليها ، تلاقي بعض مفاهيم العدالة بتختلف من الشرق للغرب ومن الشمال للجنوب ومن شريعة ارضية لشريعة سماوية ومن شريعة سماوية لاخرى سماوية ومن ارضية لارضية ، طبيعة البشر هي الاختلاف والاتفاق ، لا توجد حالة سائدة على الاخرى ، لايمكن القول بان الاتفاق بين البشر سائد حول مفاهيم العدالة .
وانا طرحت مفهوم اعتقد انه صواب حول العدالة الالهية ، بتوزيع الرزق على عدة نواحي مش المال بس ، في الصحة والعلم والزوجة والاولاد والاصدقاء وفي اشياء كتير مو على بالي .
هذا يندرج تحت بند تشعيب الموضوع ونقاش قضايا اخرى ، انا بدي ناقش حالة هالرجل ودعواه القضائية والافكار الورادة بالدعوى وممكن نناقش معك مايترتيب عليها .
انا ماني ضد الافكار اللي بتطرحها بس بدها موضوع اخر مشان التشتيت ، او يا اخي خلينا نكفي نقاشنا هون عن الرجل ودعواه القضائية والافكار الواردة بالدعوى وبعدين نروح للافكار اللي ذكرتها ، اما اننا نتجه الها بدون ما نخلص نقاشنا فهاد انساه تماما يا مراوغ

أخي مابتعرف حدا مريض ولاعندو مال ولا ولاد؟؟ حاكيني عن هاد وين العدالة بمايختص بقضيتو؟؟ ماسمعت عن اطفال ماتو من المجاعات؟؟ قلي وين العدالة؟؟
حتى لو جزء من هالمصايب من صنع البشر.. بس وقت يكون في جفاف بالصومال عم يموتو الأطفال بسببه وتقلي انو المطر بإيد الله بقلك هاد ظلم وليس هناك أي طريقة لإلباسه ثوب عدالة من أي نوع أو تبريره بأي طريقة..

حاولت اختصر من المشاركة لتوفير مساحة كمان.. مو متلك مفكر الكتابة ببلاش