[Willi]

بتعرف وين المشكلة؟؟ المشكلة انو المدرب الايطالي الجديد اللي جايبينو (( انطونيو كابريني)) تاريخو الكروي مليان انجازات وكان من احسن لاعبين الظهير للمنتخب الايطالي وحقق مع منتخب ايطاليا كأس العالم 1982 .... بس للأسف تاريخو كمدرب 0000000 ((صفر)) وفشل مع كل الأندية اللي دربها ((كروتوني، أريزو، بيزا، نوفارا))

هلق كونو ما درب منتخب وطني, عادي جدا.
في كتير من مدربين المنتخبات العالمية, كان منتخب بلادهون هو اول تجربة تدريبية الهون. (لاكن كان عندهون تاريخ كروي)
كمثال, خود دونغا. مدرب البرازيل هلق. هاي اول تجربة تدريبية الو, ومع هيك عم يأبدع مع البرازيل.

حتى انو مافينا نقارن بين البرازيل وسوريا.
يعني البرازيل لازم المدرب يقدم كتير, لحتى يبين شغلو.
بينما سوريا اذا قدم شوي بس. ببين شغلو. لانو اسوء من هيك ما بقا يصير

بعتقد تجربة كابريني كلاعب, كتير رح تساعد سوريا. بس هني يتركوه يشتغل بدون ما ياكلو هوا متل العادة.

((((((اكد الايطالى أنطونيو كابريني المدير الفنى الجديد للمنتخب السورى الاول لكرة القدم ان طريقته سوف تعتمد على الاسلوب الايطالى فى تقوية الدفاع واللعب على الهجمة المرتدة وهي الأنسب للكرة السورية))))))

في متل بالرياضة بقول,
اذا ما دخل مرماك اهداف, دايما عندك فرصة انك تربح.
كمثال لعبة الكرامة مع تشون بوك الكوري, لولا هالغول اللي دخل باخر دقايق, كان كتير ممكن نربح كأس اسيا.


متل ما سبق وقلت, اسوء من هيك ما رح يصير. اذا جربناه ما رح نخسر شي.