أول شي شكرا كتير على الموضوع بالفعل دائما بتتحفنا بمواضيعك
نرجع للمهم الضمير ما بظن شي بيخلق معنا يعني من عند ربنا متل ما ذكرت المثال لهيك فينا نقول انو الضمير يتبع لنوع التربية الي ترباها صاحب هالضمير ان كان ميت أو إن كان ضمير حي بس بالمقابل مافينا نقول مثلا انو القتل الو علاقة بالضمير لأنو القتل بيرجع لمفهوم الرحمة والشفقة وقديش القلب طيب وقديش القلب مليء بالحقد يعني مثلا لما شخص يقتل شخص تاني ما بيقتلو لأنو ضميرو ميت إحتمال كتير يكون ضميرو حي بس هي بترجع لقلبو يعني لو قلبو في ذرة رحمة أو ذرة شفقة ما بيقدر يشوف منظر الدم قبالو أو انو يفكر حتى بجريمة متل هالجريمة هلأ ممكن نقول انو الضمير فينا نربطو بمواضيع وبالمقابل في أشياء تانية الضمير ما بيتدخل فيها وإذا بدنا نغوص أكتر بهالموضوع هاد وننفي أي صلة بين الضمير والدين أو الهبة من الله كما وصفتها فخلينا نرجع لمثالك كمان أول شي لو فرضنا الزنا غير محرّم من عند الله معناتا لازم كل المجتمعات على إختلافها تتقبل هالموضوع لأنو الله وهبنا هالشي هاد وقال انو حلال لو بدنا ننظر لهالشي هاد من زاوية دينية ما بنقدر لأنو فينا نقول انو المجتمع العربي بينقسم لفئتين مسيحية ومسلمة والفئتين هدول لا يمكن يتقبلو هالموضوع هاد بينما بأوروبا أغلب الناس مسيحية بس بيتقبلوا هالشي هاد معناتا هي شغلة ما الها علاقة بالدين ولا هيه هبة من عند الله نستنتج انو الضمير هو نتاج لمحصلة التربية الي اتلقاها فرد ما بمجتمع ما
نرجو ما نكون طولنا عليكون وديقنالكون خلئكون وكون وصلتلكون فكرتي
مرة تانية شكرا كتير عالموضوع
شام ياذا السيف لم يغب ياكلام المجد في الكتب
قبلك التاريخ في ظلمة بعدك استولا على الشهب
بـــــــحبـــــــــــــــك يـــــا شـــــــــــــــــــــــــــــــــــام
We ask the Syrian government to stop banning Akhawia