[راديا]

كاتب النص الأصلي : lord tartous

محكمة سعودية ترفض طلب تطليق طفلة في الثامنة من العمر، زوّجها والدها من رجل في الثامنة والخمسين من العمر، مقابل ثمانية آلاف دولار، وقررت الانتظار حتى تبلغ الطفلة سن البلوغ..
المحامي الذي كلفته والدة الطفلة الترافع في القضية، قال إن القاضي رفض الطلب الذي تقدمت به الوالدة لأنه ليس لها حق في رفع مثل هذه القضية، حسب القانون السعودي، وأمر بأن تتقدم الفتاة بنفسها بالطلب عندما تبلغ سن البلوغ. وقال المحامي إن الطفلة لا تعرف بعد أنها متزوجة.


موقع تلفزيون الدنيا

صباح الخير ...صار بدي كباية شاي لحتى نتغلغل بهالقضية اللي يبدو هالطفلة المسكينة رح تنطر دهر لتتطلق و بالتالي حياتا راحت بشربة مي ...
منجي على اصل القضية لك رجل زلمة عمرو فوق النص قرن يعني بحدود 50 سنة العما صار مو ناضج و بس من خبرات الحياة صار بدو يستفرغ كمان قلو عليه كل البنات العانسات بالوطن العربي ما قصدي الاساءة بس منعرف قديش هيي نسبة العوانس بعالمنا العربي و هي حقيقة اجتماعية ما منها مهرب ..ليروح يتجوز طفلة زغيري المدرسة و لسا ما فاتت عليها ؟هي من قلة الوعي و الفهم بعدين ابوها جوزا مو لان ما قدر يتحمل المسؤولية او لانو جابتلو العار مثلا هي 8 سنين زوجها مشان المصاري ....واللي قاهرني هوي القانون السعودي لك شو هالقانون العاجز هاد من ايا مصدر مشرعين هني هالقوانين ؟؟العما مو ابوها زوجا ؟هلق امها ما بتقدر تطلقها يعني؟ازا هيك المفروض ما تقدر تتزوج من اصلو عم نحكي قانونيا لانو ازا ما بتقدر تتزوج يعني ما في طلاق بعدين القصد انو هالبنت مافي عندا شي اسمو الاهلية يعني ما بتتحلا بشي من العقل او البلوغ او القدرة او الرشد شلون تتزوج ؟؟؟
الاب ظالم و مو انسان و باع بنتو لحفنة من المصاري و ما بيعرف الله بنوب بحيث انو خربلا حياتا و تخلى عنا بعدين بعد ما عمل عملتو تبحبحت جيبتو و الام ساعدت الاب بالجرم لانو ظلت ساكتة و ما عملت ايا شي