اقتباس:
كاتب النص الأصلي : المحارب العتيق
ياس يمكن يكون النقد الأاول ضمن موضوعك . بس هاد رأيي
وهو أنو أجتزاء مقطع صغير من قانون الاحوال الشخصية . وتفسيرو بشكل معين هو نوع تستخدمو الصحافة الصفراء . وانا تعودت أقرا بثلاثائياتك شي اشمل وأكبر من هيك . لاتخلي توجهك يسيطر اسلوبك
أنا بعتقد أنو بقانون الأحوال الشخصية ممكن يكون في قفزات للأمام وليس للخلف ( مع أنو ماقريتو كامل ) . لأنو سينهي الكثير من مخلفات قانون الأحوال الذي يعود بأغلبه للعهد العثماني . ولازم نعطيه دراسة اشمل و أوسع
تحياتي ابو مارال  |
ميت هلا أول شي
معلم أنا كنت متمني لو اتهامك لألي بالتزوير (لأنو بالنهاية اجتزاء منقوص المعني, و هاد نرجعلو بعدين) مقترن بأدلة عن هالشي, مشان ما يخطر على بالي انو اللي توجهو عم يطغى ع أسلوبو هو انت مش أنا...
كبداية, هالموضوع هو أكثر موضوع "رأي" بالنسبة الي, يعني بكل الفقرات و المواضيع واضح جداً شو توجهي بهالأمر, و بعتقد انو الواحد لما يعطي رأي ما شرط عم يفقد الموضوعية, و كونك مانك من توجهي الفكري لا يعني انو "موضوعيتك" هي الماشية و لازم أنا اتطابق معها مشان ما أكون صحافة صفرا, و بالتأكيد المؤكد العكس صحيح طبعاً.
انت هون ما قلتلي انو رأيك عكس رأيي و هاد شي طبيعي و صحيح و جيد, انما عم تقول انو أنا استخدمت اسلوب الصحافة الصفرا و عم اجتزئ بشكل "غير نزيه", طيب أنا بطلب منك توضّح للناس وين أنا فسرت غلط, أو وين اجتزأت بالأفكار اللي عرضتها, مشان ما ينخدعو بكلامي "غير النزيه" حسب كلامك
مشان نمشي على نور و ما يكون الأمر مجرد اتهامات برأيي مش مزبوطة أبداً بحقي, بدي أطلب منك تثبت اني اجتزأت شي من القانون و فسرتو بشكل مغاير عم يأتي... و انت يمكن قاصد الفكرة اللي حكيتا عن النيابة العامة الشرعية هاي اللي بدهون يعملوها, و هاد مانو اجتزاء, الاجتزاء انك تاخد كلمتين من جملة كاملة و تفسرها على مبدأ "يا أيها الذين آمنوا لا تقربوا الصلاة" و تترك "و أنتم سكارى" و تجي تقول انو القرآن نهى عن الصلاة.. بس انك تاخد فكرة متكاملة من ضمن نص طويل, فكرة كاملة, هاد مانو اجتزاء, و اتهامك الي بالاجتزاء مالو محل إلا إذا أثبتت انو حكيي عن هالنيابة العامة الشرعية مش مزبوط, و انو القانون ما عاطيها صلاحية تقرر انو شخص ما هو مرتد و بالتالي فيها تطلب من المحكمة الشرعية انها تفرّق الأزواج بالقوة رغم عدم رضاهم عن هالشي كلاهما. أنا حطيت فكرة كاملة متكاملة و ليست اجتزاء و بالتالي أنا بشوف انو اتهامك بالصفراوية و الاجتزاء راجع لأنو عم انتقد شي انت معو... ببساطة.
الفكرة اللي حطيتا أنا هي غيض من فيض, مشروع القانون هاد كلو إهانة للمعنى الإنساني بشكل كامل, و إهانة لكل حق و لكل حرية شخصية, و على اعتبار معتبرو قفزة إلى الأمام فبتمنى انو تعطينا قراءتك اللي وصلت لهالشي, و وين بالزبط القفزة إلى الأمام, و هالأمام هو أمام بمنظور مين؟
آسف عالإطالة بس كتير حساس بخصوص انو يتم اتهامي من دون وجه بالتزوير
و شكراً