اقتباس:
|
ياس الغالي .. كيفك حبيب .. ؟
|
هلا و غلا وين هالغيبة؟
اقتباس:
|
ياس بدي أسئلك كام سؤال شوي شخصية بيجوز ..
|
خود راحتك
اقتباس:
ياس شو اللي خلاه يصير .. انسان فينا نقول .. علماني .. لا ديني .. كيف ياس قدر يتخلص من كل أفكار العشائرية .. الدينية .. مع انو ياس من بيئة فينا نقول بدوية بامتياز ..
كيف ياس قدر يتخلص من كل هل شغلات .. لـ يتحول لـ انسان فقط ..
|
أنا ما تخلّصت لأنو أساسا ما دخلت هالأفكار... هلأ للأمانة.. الرقة مانها بيئة بدوية انما ريفية.. في فرق.. و من الرقة طلعو كتير ناس فهمانين جدا (ما عم قول عن حالي فهمان.. عم اشرح عن الرقة
) و وصلو عاليا بكتير مجالات رغم انو يبدو انو نص سوريا ناسية وجود الرقة
ياسين الحاج صالح مثلا رقاوي, ابراهيم الخليل, حسني دسوقي, فائز الفواز, محمد أبو هيف, مصطفى الحسّون.... الخ! يعني قصدي انو الرقة مانها جبال تورابورا السورية
اقتباس:
|
الشغلة التانية ياس .. كيف لما كنت تدافع عن حسام و طارق و دياب و علي .. و بغمرة ناس طلعو فجأة ما بيصح قول دافعو عن حقوق الشباب .. بقدر ما تاجرو بـ أسماء الشباب لـ اغراض تافهة ( شخصياً انا ما شفت انو اسم الشباب حاطينو لـ الدفاع عن حقوق الأنسان يقدر ما شفت انو حطوه لـ يسخّفو اسامينو .. ويبيعو افكارون .. و يحطو من قدرون )
|
قصدك موقفي من البيانات باسم الشباب من قبل البعض متل جماعة خدام و بعض جماعات حقوق الانسان؟؟
حكينا مرات عديدة بالموضوع... أنا كنت دائما ضد استخدام اسم الشباب من قبل أي جهة كانت, و لما سورية الحرة (موقع كبير سفلة سوريا عبد الحليم خدام) حطو صورهون و شعرهون راسلتهون انو اذا عندهون حياء يشيلو هالصور... على مين عم يحاولو يضحكو يعني؟؟ ... و خلوهون فترة و شالوهون يعني ما بتصور بسبب رسالتي..
هالشي لا يعني انو ما نحكي عنهون و ما نذكر الناس فيهون و ما نمنع الاتهامات الباطلة عنهون... أنا على الأقل عندي واجب أخلاقي انو لحد ما يطلعو بدي أحفظ ذكراهم و أدافع عنهم... و جزء من واجبي هو منع استغلالهم
اقتباس:
|
يمكن شوي طلعت عن الهدف الأساسي للمقلاية .. بس كنت حابب كتير حكيك بـ هل مووع بالذات .. و ما كان في فرصة مناسبة ..
|
ما بعرف اذا جاوبت بشكل كافي... اذا في شي نقطة مو زابطة ارجعلي