[saman]

مرحبن ...


هاد الموضوع كان بدي افتحو من زمان .. يمكن من وقت مسلسل "و شاء الهوى "...

انو يا عمي هاد المشهد يلي البنت بتروح على بيت رفيقها بكل حرية وبتتسطح عندو وبتغنيلو وما بعرف شو كمان ... اوك ... هاد المشهد صار اعتيادي تقريباً !

بس هلأ ... رح أعطي مثال ... مسلسل " عن الخوف والعزلة " ... بسمة بتروح عن رفيقها عالبيت ليمارسوا الجنس .. بكل طبيعية ... ولا كأنو اغلب المجتمع السوري بيعتبر هالشي غلط !

هي غير المناظر المؤثرة ... يلي بيقشواها من آخرها وبكل وضوح بتبين انو هالشب كان عم يبوس هالصبية !
وغير يلي قاعدة بحضن هاد .. وهاد قاعد بحضنها !
طبعن الرقاصات موضوع قديم وشبه اعتيادي صار !
وغير مناظر اللبس القصير يلي يلي بكتير من الاحيان لا يسمى لبس !

طبعن مو بس بهالمسلسل .. بس ملاحظين لوين وصلت الجرأة مع المخرجين السوريين ؟

ملاحظين .. انو الرقابة شبه مختفية عن هالاشياء هي !
ملاحظين انو هالمسلسلات ... عم تدخل لبيوتنا .. وهالمشاهد ما خرج يشاهدها المراهقين او الاطفال ؟
ملاحظين كمان انو عم يطرحوا مواضيع (متل الخيانة الزوجية وابن الزنا) بكثرة ... وكأنو هالموضوع صار اعتيادي كمان بالمجتمع السوري !

عاوزين توعوا العالم ... اوك انا معكن بس مو بهالطريقة !

وحيات ربي ... وقت كون قاعد انا وامي عم نتفرج على شي مسلسل كل ما تطلع هالمناظر انا مضطر اقلبو لأنو امي بتعارض هالشي ... !
يعني اغلب المسلسلات وخصيصاً هي السنة ... المواضيع يلي عم تتناولها فيها شي كبير من النحطاط ؟
وفيها كتير شغلات بعيدة تمام البعد عن المجتمع السوري (والدمشقي ع الخصوص ) !

مومعقول بجد .. يعني المسلسلات المصرية .. استحت تعمل هالشي ... يلي عندهن الافلام التجارية مليانة !

بجوز كتير ناس تعارضني .. لأنو مو انا يلي بحدد الـ خرج والـ ما خرج ... بس يا روحي ...ناويين يعرضوا مشاهد سكسك ... يروحوا يعرضوها بالسينما .... لما يكون في راشدين ... اما بالمسلسلات ... فهاد في اطفال ومراهقين عم تتفرج عليه ... واكيد مانو من الطبيعي انو يشوفوا هيك مشاهد على تلفزيون مفكرين اهلن انو هنن بأمان ما دامهن عم يتفرجوا على مسلسل محلّي ...!

فعلاً صار هالشي مثير للاشمئزاز والاستغراب بالنسبة الي (ولكتير عالم بالشام ) ليكها جارتي يلي هيي رمز الحرية بالحارة ويلي هيي اكتر وحدة متحررة باللبس وبالعادات .. وبكل شي ... عم تقللي شو هاد .. كل المسلسلات السورية صار تحكي عن الاغتصاب و الخيانة والجنس !

غريب !