همام عجك - عصفور وعصفورة
عصفور وعصفورة تلاقوا ... عالغصن بديت قصتهن
والشجر نبّه عوراقو ... ما حدا يسرق ضحكتهن
والصبح يندّي عخدود ... بدل الدمعة ضحكة تعود
وورود تميل عورود ... تتعلم كيف بيشتاقو
عصفور وعصفورة صارو ... حكاية كل شي حب وغار
حتى الغيم المارق صار يشتي ... حب وزهر وغار
يخبي جواتو اسرار ... والحب بيكشف اسرار
بليلة عتمة هبت نار ... سرقت حب الطير وطار
والعصفور وعصفورة ... رجعو كل واحد عدار
والندي مصبح مهموم ... والكون تسكر بغيوم
ونجوم ضاعت النجوم ... والورد تكسر عوراقو
قصتهن قصة غريبة ... متلي ومتلك يا حبيبي
جمعنا حب السما ... نصيبك كان ونصيبي
فرقنا زمن تعبان ... ما شاف الحب ولا دائو
عصفور وعصفورة تلاقوا
بكرا بترجع عبكير ... مع غيري تفرح وتطير
تتذكر ايام الـ كنا ... نقضي هالليل مشاوير
بس اليوم الي بيروح ... ما بيرجع متلو يا روح
يا عطر اللي حبو فوق ... لاقي حب اللي ما لاقو
عصفور وعصفورة صارو ... حكاية كل شي حب وغار
حتى الغيم المارق صار ... يشتي حب وزهر وغار
يخبي جواتو اسرار ... والحب بيكشف عشاقو
عصفور وعصفورة تلاقو
همام عجك ...
15/3/1980
سوري
هاي أول غنية بيغنيها .. يعني هوي مالو كتير بالغناء وهالقصص إنما هوي عازف بيانو ... لكن بعد 100000 محاولة معو اقتنع انو يسجل هالغنية ... وبجوز يتابع بهالطريق ازا لاقت اعجاب مقبول
الغنية ما صرلها يومين نازلة لهيك فينا نقول حصرياً عاخوية
الألحان والغناء لـ همام
كلمات : احمد ( يعني انا  )
والتوزيع : Xtreme بالشام
هلئ انو الغنية لما كتبتها كنت حاسسها عادية كتير .. ومش بالمستوى المطلوب
لكن بعد ما سمعتها كزا مرة اليوم .. مدري ليش حبيتها كتير
فانو ناطرين آراءكن يبا 
حمل من هون
آخر تعديل ..AHMAD يوم 20/10/2008 في 02:36.
|