هلئ ممكن يكون مجرد تصور ...اذا بتقبلو خدو ..او تركوا ..
يعني خليني قولها بالشكل هاد..حزب الله عند الغرب مسبقا يعتبر ارهابي و عناصرو ملاحقين دوليا مشان هيك الحزب نفسو ممكن انو يقبل يلعب الدور يلي السوري فصّلوا ياه خصوصا انو منعرف حزب الله انخرط بحرب ايار و داس على السيادة اللبنانية و اعطى السياسين هنيك درس صعب ينسو ...مشان وضح الفكرة اكتر ....من ساعة كنت عم تابع مقابلة مع وليد جنبلاط و اتكلم فيها بطريقة خلتني استغرب شوي ...جنبلاط عم ينصح سعد الحريري اذا نتائج التحقيق بدها تعمل هيجان متل الهيجان يلي صار بأيار ...انو يعض على الجرح و يكتفي بالحقيقة !! ... بمعنى تاني ..جنبلاط عم يقول لسعد ,,اذا التحقيق بدو يورط الحزب ..رجاء توقف ..لأنو من غير الممكن مجاراة الحزب داخليا بعد ما تبين انو بأيار ما في شي اسمو دعم عسكري خارجي ممكن انو يوقف بوجه حزب الله ..
هيك ..السوري طلع منها براءة ...و حزب الله بكون طلع منتصر للمرة التانية على اخواتو اللبنانية ....يعني شايفو تحليل منطقي .
انا شايف التقرير تبع دير شبيغل منطقي ..في حال كان مسؤولين سوريين ورا هيك تسريبات ...هلئ ما عم انفي كمان امكانية ضلوع اسرائيل بالتمهيد لهيك تقرير لتعمل فتنة داخل لبنان ممكن انو تعطيها التبرير لشي اجراء مستقبلي..بالنسبة الي ..و لا واحد من الأحتمالين ممكن يرجح اذا وضعناهم بميزان ..
That is not Dead which Can Eternal Lie And With Strange Aeons even Death may Die
لا ميتاً ما قادراً يتبقى سِِِِِِِِِِر مدى فإذا يجئ الشذاذ الموت قد ينتهي
Who Sacrifices The Social Liberties For The National Security Deserves Neither
|