[أم الجود]

كاتب النص الأصلي : هبه الاردن

ايه والله احنا بزمن العجايب

يعني اذا ما وافقنا عالانحلال الاخلاقي بنكوت متخلفين ومن الزمن البدائي

اكون من المتخلفين ولا اني اكون من المنحلين اخلاقين

يعني مطرح ما خ** شنقوه

شو كنا عم نغني بالطاحون ؟!! يا جماعة اللي بتحب تحافظ على عذريتها صحتين على قلبها هي حرة .. بس لا تمنن حدا لأنها شريفة .. لأنو متل ما طلع معنا قبل شوي انو في بنات بتساوي كل شي بدا ياه هي و عذراء .. و بنفس الوقت ما فينا نقارن بنت فقدت عذريتها مع شخص واحد بتحبو بوحدة عاهرة و محترفة و كل يوم مع شب بس لأنن تنتيناتون مو عذارى و من دون زواج ...
و مو معناها كل مين بيدافع عن هالمفهوم هو منحل أخلاقياً .. بس كمان حلو نشوف الشرف بمفهومه العريض و ما نوقف عند هالتفصيل الصغير .. طيب إذا شرف البنت هو هالغشاء و شرف الرجال مو مرتبط بهالغشاء لأنو ما عندو ياه .. طيب بشو مرتبط شرف الرجال ؟؟ ولا الرجال شريف خلقة ..! يا جماعة الشرف كلمة كبيرة .. نمط حياة بيشمل كل شي : الصدق و الأمانة و قول الحق و الغيرة على مصلحة الغير .. الشرف باقة محامد و خصال ما بتحصل عليها البنت أو بتتجرد منها بامتلاكها أو افتقادها لهالعضو هاد ...
و أنا اللي قاهرني بالموضوع أكتر شي انو في بنات عم يدافعوا عن هالنظرة اللي بتنتقص كتير من كرامة المرأة .. يعني إذا كانت بعض المجتمعات العربية عم تسعى لتحرير المرأة فتعبهن كلو رايح عالفاضي .. لأنو قبل ما نحرر المرأة بالقوانين و الأنظمة المدنية لازم بالأول نحررها جوات عقولنا من هيك تفكير سطحي و هيك نظرة تعسفية ...