[سوا ربينا]

[quote=Sun Shine Art;1335048]اول شي شكرا لكم لفسح المجال لنسألكون ....
الاسئله هي موجهه لكل واحد فيكون ....

شو اكتسب كل واحد فيكون بعد هل الموضوع ...من ناحيه العلاقه بالاعضاء ..والتعرف عليون ....والعلاقه بيناتكون

هلأ بالنسبة الي في كتير اعضاء كانو ضيوفنا انا ما بعرفن منيح ولا بعرف شخصياتن وبهالموضوع اتعرفت علين و ع اسلوب تفكيرن وع شخصياتون.. واختلطكت فيون يمكن مش كتير بس انو ع الاقل قدرت اعرف لو شي بسيط عنن وعن طبيعة حياتون..

العلاقة بينا .. هلأ ابو سارة بعرفو من زمان بس بهالموضوع اتعرفت عليه اكتر وخص نص انو كنا نتحاور مرات سوا ع الماسنجر سواءا شي بيخص هالموضوع او لا .. وزيد بالنسبة الي اخ كبير..بعدين ابو سارة الحوار معو صعب واقناعو صعب جدا وجزيلا كمان ..

طروق من خلال هالموضوع كانت اول مرة بتعرف عليه وبحكي معو وكان هالشي عن طريق زيد .. كنت شوف طريقة كتابتو ومحاورتو ومن زمان كنت حابب اتعامل معو وبهالموضوع اتعرفت عليه وبفتخر بأنو اتعرفت عليه لانو شخص راقي جدا بكلامو وباسلوبو ..


علاقه كل واحد فيكون باخويه ...ورأيكون باخويه من قبل ..وحاليا .....

هلأ اخوية صارت جزء كتير كبير من حياتي يعني بدونها بفقد شي متل لما شخص بيفقد حاسة من حواسو .. واتعودت عليها وصعب استغني عنها بسهولة ...

هلأ بدايتي بأخوية كانت بمواضيع مش كتير جدية لهيك كنت حس انو بس بدي ضيع وقت بس بعد فترة صرت اهتم بمواضيع النقاش والشي يلي منو فايدة ..هلأ في كتير اعضاء تركو اخوية من القدامى يلي بعرفن ومش قلال لذلك برضو هالشي كان الو تأثير علي ..هلأ هي يمكن اتغيرت شوي بس اكيد رح ترجع متل ما كانت واحسن بس اخوية متلها متل البني ادم بيمر بظروف صعبة بتأثر عليه بس فترة زغيرة وبتمرق.. بس اخوية متل الجبل بتضل صامدة وما بتنهز بسهولة ..
وصف .:
الحب .الوحده ...الخيانه ....الفقر ...العلمانيه ...التعصب .....المرأه بحياتكم ....
فن : مارسيل ..فيروز ....جوليا ...ماجده ....

الحب: احلى شي بالحياة وبدونو ما بيمشي الكون..
الخيانة : جرم
الفقر :موجود غصب عنا
التعصب: جنون بشكل اخر
المرأه: جزء كبير مني..


مارسيل,ماجدة : انو مش كتير صحبة معن يعني ما بسمعلن بصريح العبارة..مع احترامي الن التنين..
فيروز: وجبة صباحية ومسائية وبكل وقت وما بينشبع منها .. عظيمة
جوليا: بحب بعض اغاني الها وخص نص القديمة..


وضع سوريا حاليا ...مقارنه مع وضعها من 10 سنين ؟؟؟سياسيا واجتماعيا ...وعلاقتها بالتحديد مع الاردن والعراق ..كيف بنتظرولها .....

هلأ انا ما الي بالسياسة نهائيا يعني ما بهتم فيها بس انو بتزكر انو علاقة الاردن وسوريا من شي 5 او 6 سنين كانت سيئة جدا .. بس من فترة الرئيس بشار الاسد زار الاردن كتير انبسطت انو بلشت العلاقات تتحسن وخصوصا انو سوريا اقرب بلد النا.. ومن يومين الملك عبدالله زار سوريا برضو فرحت لانو هيك الواحد بيتطمن انو العلاقة بتحسن اكيد وان شالله فيه الفايدة للبلدين من كل النواحي ...


الغربه والسفر شو بيعني لكل واحد فيكون ...

هلأ انا لهلأ ما عمري اتغربت يعني ما جربتها ولا بعرف شو هي .. والسفر امنية حياتي سافر وزور كتير بلدان نفسي زروها ..


اصدقاء اخويه ؟؟؟؟ هي حقيقه ام مجرد تمضيه وقت بعالم الانترنت ....

اصدقاء اخوية يمكن كانت بالبداية مجرد تضيع وقت بس بعدين اكتشفت انو حقيقة لانو صرت مقابل تقريبا 6 اشخاص من اخوية ومجرد مقابلة شخص عرفتو من الانترنت عامة واخوية خاصة شي بيفرحني كتير .. وبتمنى قابل كتير ناس من اخوية بالمستقبل القريب..

والي رجعه طبعا اذا بتسمحولنا يعني

اكيد صفصف ازا ما بدنا نسمحلك لمين بدنا نسمح ..


وبدنا تذكار من كل واحد فيكون للموضوع وللاعضاء

برضو التذكار رح اتركو للنهاية ...