[الحاج متولي]

كاتب النص الأصلي : ayham-hemo

شوف حجي متولي
أنا ماراح قلك أني ما بحلم يعني بتكون الكشة كبيرة كتيررررررررررررر بصراحة، وبصراحة ماني متذكر لهلا حلم أنضربت على ألبي وحلمتو وصار بالواقع وشفتو أدامي ملزوء متل الأضى المستعجل.
بس رح قلك على الحالات اللي الواحد فيها ما بيحلم: شوف حجي:
لما بيكون الواحد عميركض من الصبح لأخر الليل متل -ولا ألك بلا مائولها- متل الغزالة بيجي متل الأتيل عالفرشة مو شايف أدامو.
لما بيكون الواحد أكل أبرة بينج -الله مولاها- وطالع المخدر من أدنيه هادا لاحول ولاقوة الا بالله.
لما بتكون ملائكة الرحمة شاحطينو بشي فرع من اللي بيحبو ألبك وعملولو كم لفة مجانية على مرجوحة الدولاب، يعني هادا من فرحتو بعتئد انو ما بيحلم بشي.
لما بتحاول تنام وجيرانك -الله يخليلك ياهم- كل شوي بينكشو فيك بئرئعة أنينة الغاز او ضرب الصغار أو برهنة أنو في زلمة موجود فوء راسك عمبيبعئ وجاعورو واصل لأخر الحارة، هادا كيف بدو يخليك تنئبر -مو ألك بشكل عام- وتنام وتحضر فيلم المنام من أولو.
أنا حبيت أول هالشغلات ليكون موضوعك متكامل وموضوعي وأهم شي وووووووووووووووواقعي.

الله حيوووووووووو الدعم اللوجستي

والله يا غالي إنته عم تحكي صح بس على الأقلية إني أحلم بركي بيجيني شغل أحسن من إلي عم بشتغل فيو أو يجيني بيت أحسن من إلي ساكن فيو مع جيران أفضل
مو أقول لحالي يلا حط راسك بين الروس وقول يا قطيعين الروس
أنا قصدي بالموضوع إني بيشو الواحد بيحب يحلم ويتحقق حلمو
والقصد من الفكرة إني كل واحد بيطّلع على أحلام غيرو عسى ولعل بيكون أحلام غيرو بتكون محققة عندو وهيك على الأقل بتهون عليه مصيبتو وبيقول لحالو والله أنا بألف نعمة والحمد لله
يعني في نا س بتحلم بسيارة سوزوكي و إلي عندو سيارة آخر موديل عم يحلم كيف بدو يبدل سيارتو بالموديل إلي لسه ما طلع
هيك بيقول لحالو والله أنا بألف نعمة والحمد لله
ناس بتكون عم تدفع ضريبة رفاهية لسيارة وناس عم بتفكر كيف بدا تدفع ضريبة الزبالة والإتنين عندن أحلام