[sona78]

حلوة المقالة ... مشكلتنا انو نحتا ما عاد عنا شي نشتغل من شانو يعني لا سياسة مسموح ولا علم متاح ولا ابداع محترم .. المجال الوحيد يلي عم نقدر نشوفو مفتوح هوي الدين وهوي يلي حاليا المحرك الاساسي للناس .. اخوان حماس ,,شيعة حزب الله ,, اخوان مصر. .. هي الفئات التلاتة هيي يلي حاليا ناشطة بمجال بدغدغ مشاعر الناس المسحوقة فعلا ضمن هالعصر القبيح .. وبعتبار انو تشرب مفاهيم هيك حركات من دون الانتماء الظاهري الها مستحيل بالوقت الحالي وغياب البديل اللاديني ( سواء علماني او دين من دون تشدد او ملحد ) الفعال يلي بيلائم تطلعات الناس الحالية عم يخلي الناس تتشبث بالمظاهر من دون دخول الحالة الدينية الحقيقة اي الروحية .
اذا دخلنا بالدين كشيء روحي لا سياسي ولا اجتماعي منلاقي انو كل الاديان بتدعو لنفس الحلات السامية للبشرية من محبة اخاء احترام ووووو .. بس لما مندخل بالطابع الساسي والاجتماعي ببلش شغل التفاسير والاجتهاد والاتصاق الحرفي من دون السعي لتطوير .. وهون بيفقد الدين الحالة الروحية الو وبينتج عنو تشوهات متل يلي كتبت عنها الكاتبة .. طبعا هيك حالات ما قادر الواحد يربطها فقط بالاسلام وانما بايا فئات متشددة سواء يهودية ( متل ما صاير بقلسطين ) او مسيحية ( متل الحرب الاهلية الارلندية )او غير ذلك (سيخية مثلا .. لانهون كمان نموذج للتعصب الديني المنغلق )