[The morning]

اي عزيزتي بس وقت تصير تحت رحمة مغتصبها.. رح تصير مريضة نفسيا..
بس تعيش مع يلي اعتدى عليها بشكل عادي.. رح تصير مريضة نفسيا..
بس تتطلع بابنها وتتذكر ابوه المجرم.. رح تصير مريضة نفسيا..

همممم ..

نقطه رقم واحد اللي اعترضت عليه هو اعتبار المغتصبه مريضه نفسيا بغض النظر عن زواجها من مغتصبها او غيره يعني المغتصبه هي غير مريضه نفسيا .. يعني نحنا العرب مافي اسهل من هالكلمه على لساننا كل يوم بنقرر انو فلان مريض نفسي و فلان تعبان نفسيا و فلان نفسيته ما عم تتحمّل و و و و ..

لا .. المغتصبه غير مريضه نفسيا ..

حتى لو تزوجت المغتصب منها أنا مافيّ اطلق عليها لقب مريضه نفسيا .. و هون مابعرف كيف بتعبرها مريضه نفسيا الها مش للشخص اللي اعتدى عليها .. يعني لو بدنا نجي لتصنيفات المرضاء النفسين فالهاشي يعتمد على مراقبه التصرفات ... و بناء عليه تسجيل الحاله .. و بذلك لازم يطلع معنا المريض النفسي هو اللي اغتصبها و هي ما بشوف اي تصرّف منها بيعملها "مريضه نفسيا " .. ممكن تكون نفسيتها محـطمه ممكن يـكون نفسيتها مجروحه مخدوشه مجعلكه خيو .. و لكن مصطلح مريض نفسي كبـير و ما بعتقد لازم ينباع عالبسطه هيك كيف ما كان ..

لا انا ما بظن انو ممكن الزواج يكون حل مهما كانت الظروف..

رح قرر حطك عقائمه الشطرنج السودا اللي عم اعملها ..

تعى لنشوف لنحكي كم نقطه :

النقطه رقم 1 .. جبلي حالتين اغتصاب بتتوافق فيهم كل الامور و المعطيات ؟؟

... لذلك و بما انو مافي حاله بتشبه التانيه فما لازم يكون الحكم مطلق بدون الاخد بعين الاعتبار الاوضاع المحيطه بكل حاله .. يعني لازم يكون الحكم بياخد بعين الاعتبار الاوضاع لكل من الطرفين و بيحاسبهم عاساسها ..

النقطه رقم 2 .. هلئ اذا تنين بحبو بعضهم حب لالله بالله و صار و حبو بعضهم عالتخت بعدين اكتشفو اهل البنت القصه .. فهي القصه رح يـقولو عنها اغتصاب - مع انو تعريف الاغتصاب هو اللي يتم بعدم موافقه طرف من الاطراف - الا انو ما رح يقولو والله بنتنا عم تمارس الحب .. و لذلك بهيك حاله اذا انعرض عليها الزواج منه هي يمكن تكون مكيفه و مبسوطه و عم تنطوط من الفرحه ..

يعني طالما انت او انا او كلياتنا ما كنا حاضرين تماما الواقعه و عرفانين اذا اغتصبها عنجد ولا شو الوضع بالضبط فما لازم نطلق الاحكام بشكل عام يعني حتّـى بعلم النفس ما بيعطو كتير علامات على الشغلات اللي الناس بتقولها شفهيا بل بينظرو للتصرفات و الحركات اللي بيقوم فيها كل من الضحيه و الجاني و بذلك مافينا والله اذا اجت وحده قالت فلان اعتدى عليّ انو خلص نقول كل ما وحده اجت قالت في حدا اعتدى عليها بدنا ندبحه .. مابصير هيك في حالات كتير بالدني و في لكل حاله لازم يكون وضع خاص يختلف عن الحاله اللي قبلها أو اللي بعدها ..

شغلي لازم نتذكرا..

المغتصبة=ضحية=برئية ما إلها ذنب
المغتصب=جاني=مجرم=لا انساني=حيوان

لك حاج تطلق حكم مطلقه ..

المغتصبه= ضحيه
المغتصبه = بس توافق على الزواج من مغتصبها و هي بكامل قواها العقليه (( بدون تهديد من الاهل بالقتل و ما اليه من حركات )) فهـي وقتها بتكون مسؤوله عن قرارها و ما بعتقد شغلتي انا اني بقى اجي قول هالقرار صح او غلط .. لأنو هيّ حرّه وقتها بتعرف مجتمعها و بتعرف قدرتها على تحمله او لا و بذلك عم تاخد قراراتها و مافيّ اجى لومها ..
انما وقت بتم جبرها على الزواج من شخص - حتى و ان لم يغتصبها او حتى ما شافها بحياتها - فهاد أمر افظع من الامر اللي هيّ عم توافق عليه ..

المغتصب = ضحيه من نوع آخر .. (( الضحيه المجرمه )) ..
المغتصب = مجرم يستحق العقاب اللي بيتناسب مع حالته ..
المغتصب = بني ادم جاهل و الحق عالمجتمع ما علمه ..