اقتباس:
مثلا ياس قال .. انو عرضو عليها الغالي والنفيس ..
بس بهالحالة هي
كمان هيي وافقت انو تبيع عرضها ..
واللي بيبيع عرضو مقابل الغالي والنفيس .. لازم يستحمل الذل اللي بيجي
|
كنت بظن انو كلامي أوضح من هيك...
ما حكيت انو عرضو عليها الغالي و النفيس كرمال عرضها... يكونو عرضو عليها شي مغري جدا لحتى تقبل تروح تشتغل كـ خيّاطة... و هي عن جد مفكرة حالها مسافرة لتشتغل بشركة خياطة (و يكونو مفرجينها صور للشركة الخيلة و عاطينا سلفة هدية و ضاحكين عليها بشهادات ناس يفترض انو اشتغلو معهون و كانو كتير فرحانين).. لما توصل على بلد الوجهة تكتشف شو صار.. بعد أيش.. بعد ما يكونو تحايلو عليها ليسحبو منها جواز السفر و يطالبوها بالمصاري اللي عطوها ياها و حق التيكت و يهددوها انو رح يقتلو عيلتها مثلا ازا هربت.. و يجبروها تشتغل اللي بدهون ياه بدافع انو ماعندا غير خيار لحتى تدفعلون المصاري اللي يفترض انو الهون عليها... عبودية حقيقية
نسيت كمان بالرد السابق انو بالحالات اللي شفتها (لما كنت متطوع بالصليب الأحمر من سنتين) كتير أحيان كمان أول ما بيوصلو عالمطار يوهمونهون باحتراف انو الشرطة عم تلاحقهون و انو هنن مطلوبين بسبب جرم شنيع و ازا قعدو عاقلات و سمعو الكلمة فسيد العمل راح "يدبّرهون" بعلاقاتو و معرفتو.. لكن ازا هربو منو راح تمسكهون الشرطة