[وشم الجمال]

مرةً واحدة نُـعطى رؤانا
وصبانا..
مرة واحدة نحيا..
ومن حق الشفاه الظامئات
أن تُـروَّى
وحساب القهر..إنَّـا وارثوه
صانعوه..مبدعوه
أن يُـسوَّى
مرة واحدة نأتي كصحو السنبلة
في الحقول المملحة
لمَ نهرب
من رؤانا؟؟من ينابيع الشباب العطر؟
لِـمَ نحني رأسنا؟
ربما تحلو المواعيد وتعذُب
ربما – والجبن موتٌ- يحتفي الحب بنا
عند شط الخطر


حبيت اكتب هالشعر رد بركي وصل الفكرة اكتر مني...

نحنا شباب ضايع بالحزن فما في داعي نكون ضايع وحزين ومستسلم كمان يعني حاجتنا تهميش لذواتنا وانو نعيش عالحياد متلنا متل اي حجر على جنب الطريق ما بتفيد غير انو تفرشك يللي مارين بالطريق الحزن انا معكم انو شي كتير حلو وانو ممكن يكون طقس من طقوس الحياة يللي بمنحنا روعة وقدرة عالابداع ولكن انو يتحول هالحزن لجنون واكتئاب وضياع فلا والف لأ كمان...

حرية انا معها بس الحرية ما بتعطيكم حق انو تضيعو حالكم وتهدروا انسانيتكم بسبيل ولا شي غير انو تخلقوا فنعة وتصير مجال للتقليد كمان...فينا نحزن فينا نكتئب فينا نرسم بالحزن خارطة من الدموع بس انو نعيشو ونكون مجرد سجينين فيه فهاد مرفوض قطعا ومو مقبول منشان هيك انفضوا غبار اليأس وشوفوا النعمة يللي عايشينها وبلشوا حياة صح مو حياة كل يللي فيها انهزام وبس...