[أم الجود]

أكتر حاجة توجع في لحظة الفراق .. حبيبك تلمحه
و دموعه رافضة تطلع و كأنه حالاً فاق على ايد بتدبحه
و كأن ده عادي لأ و أقل كمان م العادي
و الوقت ده كله ف عمر الواحد راح عالفاضي
و ما بين لقى و فراق .. كأننا في ســـباق
ده بيبكي و هو مفارق
و ده فارق و مهوش فارق
مين فينا وفى بوعده و ما خانـش الاتفاق ..
و اتبقى ف مطرحه ؟!

طريق مفتوح و باب .. و صوت طالع بخوف
بيعلق الأســـباب على شـــماعة الظروف
خلاص ما فيـش جراح .. خلاص الوقت فات
معقول في حد مات .. ح تعرف تجرحه ؟!!


للتحميـل