[ظل جيفارا]

كاتب النص الأصلي : yass

بالعكس انا رأيي انو الحل واحد و شامل... الديمقراطية ليست فقط الكلام... الجائع لا يتكلم... الديمقراطية هي مجموعة العوامل التي تضمن الحياة الحرة الكريمة لمواطني الدولة و على جميع الأصعدة و أعتقد أن تجزئة المشكلة بشكل كامل هو الخطأ... نعم الحل يجب أن يكون تدريجيا و بخطوات متتالية.. لكن الحل رغم التدريج هو حل وحيد
تحياتي

تحياتي صديقي
بتوقع جمع كل هالمطالب تحت بند عريض واحد رح يضر بالمطالب اكتر ما رح يفيدها لإنو عنا اربع مسارات طبعا لا يمكن الفصل بينها لإنو هيي طريق الحياة الكريمة لكل مواطن في اي وطن
وخليني احكي بحالة خاصة اللي هي بلادنا
المطالبة بالتحسين الإجتماعي الإقتصادي والديمقراطي هو السبيل الوحيد لنيل تلك المكاسب
ولكن حصرها جميعا تحت عنوان الديمقراطية سوف يزيد من رغبة الطرف الاخر برفض تلك المطالب تحت عناوين ومسميات واهية
برجع هون لأتذكر الحالة اللي صارت من فترة بعد الإشاعات عن رفع الدعم واللي قطعت حاجز الإشاعات لتصير واقع عم يتداولوه الناس وحكي فيها النائب الإقتصادي لرئيس الوزراء على انها السبيل الوحيد لتحقيق نمو طبعا كلام السيد الدردري يرد عليه ولكن ما يهمنا ان النقابات والقوى الوطنية الشريفة سواء في المعارضة او في داخل النظام رفضت وحصل اكثر من اعتصام في اكثر من منطقة في الوطن مما اضطرهم إلى الإعتراف بخسارة الجولة ولكن ومن ورائها جولات
برأيي كمان كم قصة متل هيدي رح بتدعم الموقف الديمقراطي بالوطن بينما كانت تحت مسمى هو الإصلاح الإقتصادي
بتوقع فكرتي وصلت ما هيك صديقي
تحياتي الحارة

كاتب النص الأصلي : dimozi

مو بس الجائع لا يتكلم........... المتخم كمان لا يتكلم
يعني نحنا عم نحكي من منطلق وضع اقتصادي سيء, بس فينا نشوف بغير بلاد غنية كتير و المواطن فيها متخم بالرفاهية, بس المطالب الديمقراطية مساوية للكفر تقريبا.
برأيي الديمقراطية أولا, لأنو عبر الديمقراطية رح تكون عملية الإصلاح الاقتصادي و الاجتماعي شفافة مراقبة و قابلة للمحاسبة, و بتخيل هي مقومات نجاح أي عملية إصلاح.

يا عيني عليك يا شريك لهيك قلت كمان في مطلب اجتماعي مرتبط جدا بكل ما هو قبله و هو العدالة الإجتماعية والمقصود بها توزيع عادل للثروة بحيث ينتفي الغني وينتفي الفقير
تحياتي الحارة
ظل جيفارا