اها صار دور اللامنتمي
لكن بدي رد عالسريع على مين حكى عني واشكرو على رأيو
أحمد أنت بتعرف غلاوتك عندي وبعرف أنك ما عم تكولك  بس شوي
ساتو: ابن خالتي اشتقتلك كتير 
اساكلي : ميرسي لرأيك
القلب الدافئ: مع إني ما بحس حالي فوقية لكن يمكن هي القوة يلي بمتلكا بتعطي هالشعور _ جملتي ما لها علاقة بالفوقية 
ميرويتي إذا كان أحمد بسعر اخي الصغير أنت بغلاوة ابني 
هلا بدي احكي عن اللامنتمي
اللامنتمي بيملك قلم رائع .. أسلوبو بالكتابة ورمزيتو .. بستغرب ليه ما جرب ينشر شي
طبعاً كتابتو بتعكس فكر عميق متأمل
متحدث لبق
شخص حزين وحزنو الو جمالية فريدة
مثالي ويدعو للمثالية
مجادل وذكي وممكن من عبارة عادية يخلق حديث محترم مافيك إلا انك تحترمو
نوار ما اختار اسم اللامنتمي عن عبث هو فعلاً هيك ولو أننا عم نسمع أنو عم ينتمي لمكان أو شخص أو مدري شو وهالشي يعني منيح وبوادر خير بس اللامنتمي بيظلم نوار كتير يلي بيعرف نوار منيح بيفهم شو قصدي لهيك بدي أحكي هلا عن نوار يلي بعرفو برا أخوية
بالقدر يلي بيظهر فيه اللامنتمي حزين، بالحقيقة وجه نوار مبتسم بشكل دائم حتى بأشد لحظات الحزن والألم ..
بيمتلك شخصية قوية جداً بس هالشي بيتكامل مع كونو مصغي جيد ومتفهم
برتاح كتير بالحكي معو وبحس بثقة غريبة تجاهو وما بيتردد بمساعدتي
ما بيشبه أبداًالشب بصورتو الرمزية بالحقيقة هو أحلى وعندو عيون كتير حلوة بس عندو نظرة بتخوفني أوقات ... بيعرفا هو 
أمنيتي لنوار أنو يلاقي السعادة كل حياتو ويضل مبتسم على طول وأنو يضل رفيقي دايماً 
// وأنّ حضورك في دمي مسكُ الختام //
|