كنت حابة احكي عن امي بمناسبة هادا الموضوع..
امي مدرسة ابتدائي بالمدارس الحكومية بسوريا لمدة 25 سنة وكانت دائما تدرس الاطفال بصف الاول وتستمر معاهون بالصف التاني والثالث واشتغلت بلاختصاص عن حب واختيار مشان هيك في اشخاص من طلابها كانت تدرسهون من عشر او عشرين سنة بيزوروها لحد الان بالبيت وفي منهون مسافرين بكندا او بدول الخليج او باوروبا وبيراسلوها على الايميل وبيستشيروها بأمورهون الحياتية وبمشكلات بتصادفهون اثناء تربية اطفالهون..
امي كانت تتبع اسلوب الرعاية الحازمة بالتاكيد وبالسنوات الاخيرة حست انها صارت حنونة زيادة عن اللزوم بالتعامل مع الاطفال بسبب تقدمها بالعمر مشان هيك قررت انهاتترك التدريس وتتقاعد حتى ما تأثر عاطفتها على تحصيل الاطفال العلمي وبتتمنى انها تفتح روضة للاطفال...
لو بيعرفو الاساتذة أديش أثرو فينا وبنفسياتنا سلبا او ايجابا يمكن كانو غيرو تعاملهون مع الاطفال كتير..
وتحية لصاحبة الموضوع
طائر واحد يكفي لكي لا تسقط السماء
فرج بيرقدار
|