اقتباس:
نشوء العلمانية في أوربا كان لأسباب محددة التي هي كسر سلطة الكنيسة وهيمنتها والتخلص من الآفات التي ترتبت عن تلك الهيمنة والأساطير وغيره
أما في واقعنا العربي والإسلامي فليست لدينا هذه المشكلة مطلقاً
|
استاذ حكيك غلطط 100 بالمية ما بختلف معك ان العلمانية كانت انتقال السلطة من يد البابا بشكل خاص والكنيسة بشكل عام ليستلموها اشخاص لا يمثلون سلطة دينية
على عيني وراسي وحكيك مزبوط وما عليه غبار
لكن هاد بالمفهوم الاولي للعلمانية او سبب منشأتها لكن مافيك تقول اننا ما عمنعاني من مشكلتها فكرة العلمانية هية فصل الدين عن الدولة وفصل رموز الدين وسحب الصلاحية منهم يعني رجل الدين ما فيه يبت بأمر الشعب على عيني وراسي ببت بالأمور الدينية بالأمور الاجتماعية الشخصية بالاستشارات الروحية مشكلته هي .
بالأخير الحكم باسم الكنيسة ممكن نعممه شوي ونقول الحكم بالسلطة الدينية وبالتالي وضعنا لا يختلف ابدا عن فترات العصور اللي تعتبر نقطة سودا بتاريخ اوروبا وقت كان للسلطة الدينية صولات وجولات تماما متل وضعنا لذلك اذا بتأسقط الواقع الأوروبي علينا بتشوف اننا حاليا عايشين بالتجربة الأوروبية بالعصور اللي بيخجل منها الانسان الاوروبي وقت بتنذكر بتاريخ بلده .
لكن فرقنا اننا منفتخر فيها بيننا هنن عبحاولوا يتخلصوا منها ويطهروا تاريخم وافكارهم من آثارها .
وبالتالي انت ما عندك علمانية ضد الاسلام او علمانية ضد المسيحية او العلمانية ضد اليهودية او العلامية ضد الدين بشكل عام
انت عندك نظام بيعتمد على ابعاد الدين ( ليس محاربته ) وبالتالي التخلص من المعتقدات كافة وبعتقد يعتبر حل جيد بالنسبة لتطور العالم على مبدا المساواة اللي مستحيل يقدر دين ما يحققها لأن بالتأكيد حيكون داعم لمعتنقيه بعكس العلمانية اللي بتقدر تامن حرية التعبير الديني والانتماء وبنفس الوقت بتقدر تحقق المساواة .
بالأخير تركيا نموذج فاشل واحسن باشق مجروح بتسميتها ( العلمانية العرجاء ) لان بالأصل عار على هيك ممارسات انها تنسب للعلمانية واكيد العلمانية مع الحجاب طالما عبيندرج تحت باب القناعة الشخصية وتحت باب حرية الاعتقار ومن حق النساء المحجبات في تركيا ان تحصل على افضل التعليم واعلى الشهادات وغير ذلك ما بكون في شي اسمه علمانية بالموضوع بكون في شي اسمه ابن مشوه من العلمانية او ابن عاق عبحاول يتشبه بالعلمانية اخد القشور ( التخلص من سلطة ممثلي الدين ولواحقهم ) وترك اللّب ( حرية المعتقد ) .