[المتشائل]

بحب ارجع للتاريخ كتير ... اسباب ظهور العلمانية الاجتماعية كانت ضرورة ابعاد التخلف والرجعية والتحجر الديني في اوروبا ... ياللي حجرت الواقع وما سمحت بتطورو ... طبعا كمان هالشي اتي في سياق النضال الشعبي من اجل الحريات الاساسية ... هلا بهيك انا بافهم ان هدف العلمانية الاول هو التخلص من الدوغما ياللي بتحجر الواقع ...

من هالمنطلق .. بشوف ضرورة ان تكون كل علمانية ديمقراطية ... مع اني ادرك وجود فوارق ما بين المصطلحين ... وادرك من الواقع العربي علمانيات غير ديمقراطية ... حتى في اوروبا ... وحرب العراق كانت شاهد على هالحكي ....

اليوم بتركيا ... حتى ياللي عم يتغنو بعلمانيتها .. بيحطوها بنفس السياق وبنفس المصاف ياللي بتندرج تحتو الاصوليات ... شخصيا ما بشوف فرق ... بين اصولية علمانية او اصولية دينية ... التنين محكومين بالدوغما واقصاء الآخر ... والتنين اضرب من بعضون ... مع اني علماني حتى النخاع ... لكن لتسقط الاصولية ... ولكل حريته سواء تحجب او تعرى بالمطلق ... شو دخلهم بربو يعني ؟