[Abu ToNi]

كاتب النص الأصلي : saman

هلأ بالنسبة الي .. انا ما بيهمني يكون في سعوديين بالمنتدى او ما في .. وما بيهمني اني طفش حدا او لأ ..... وانا ما بكره حدا ما هاجمني حتى لو كان سعودي ...
بتجي بتقول على غيري اي ... يا سيدي .. في ناس اول ما بيسمعوا باسم سعودية ... ما بيتركوا مسبة عالشعب والحكومة شيتهن ! ... طيب يصطفلوا انا هدول كمان ما بيهموني ...
انا شخصياً ما بعادي حدا سعودي .. الا ازا كان عم عم بيهاجمني او عم بيهاجم بلدي او حدا بحبو ... بس لحظة شوي ... انو يلي عم يحكي انو نحنا عمك نجرح وعم نطفش ... انا يلي بعرفوا .... انو هوي كان من اول الناس يلي بتجرح وبتطفش .. الاعضاء ان كانوا جداد ولا قدامى ... فا هالمرة انا يلي بدو يقول عيب ..!
يلي بيعتبرني انو انا بكره شعب سعودية .. او بطفشهن .. فا يصطفل .. ما بيهمني كلو ع بعضو ......لأنو انا هون متل ما رحّب بعضو مصري ويمكن احكي بلهجتو من باب المزح ... فا بحكي ... وما بكون عم اتمسخر لا عليه ولا علهجتو ...
هادا الرد للتوضيح مو اكتر ... منشان يلي بيفهموا غلط .. يبقوا يفهموا صح !

وبرد بجرع بكرر انو ما في اي عداء بيني وبين شعب شعودية .. بالعكس انا ولدان هونيك وعندي رفقات سعودييين .. وبحبهن كتيييير .. وهي العضوة يلي فاتت وفي ناس قالوا انو اضطهدناها ... فا هيي سمعت كم كلمة تطفيش من كم عضو ..... وردت علينا بكلمات مخزية جداً .. يعني منشان ما حدا يعتبرها مظلومة .. لانو هيي ردت ودافعت عن حالها وهاجمت كمان ... وانا حتى على هالكلام ما رديت .... !

ميرسي بو طوني عالموضوع

كيفك خيي امير
خيو انا كل الموضوع اللي كاتبه هوي توجيه حكي للجملة اللي لونتا بالاحمر .. للناس اللي سمعوا انه في عضو سعودي بالاخوية فجادت مواهبهم التطفيشية بس لأن البنت سعودية يعني فينك تقول طائفية دولية اذا صارت التسمية او عنصرية بحسب الهوية

وبعتقد ما كان مطلوب منك توضح لان الكل بيعرف مين ميرو وكيف بيكتب وواضح الشي اللي انت كاتبه وكيف عبتمزح مع البنت ... فانو روقنا شوي مشان ما تعصبلك هلق يروح عليك كام درس تاريخ على كام درس جغرافيا .

* هاموش : لك 3 حصص باليوم والله كفر

كاتب النص الأصلي : عبر المحيط

مرحبا شباب

العنوان العلاقة السورية- السعودية جا على بالي انو الموضوع سياسي لكن طلع يخص وحده سعودية في المنتدى
عموما ياشباب انا من السعوديين الي دخلت المنتدى من اسمه(( اخوية سوريا)) توقعت انه فعلا اللي يحب سوريا والسوريين يفوت على المنتدى ويكووون صداقات ويتعرف على شباب زقرت ويتبادل معلومات وعلى قولتهم فيد واستفيد.. ولكن صدمت بالتعليقات والمسخره من بعض الاعضاء على السعوديين وللاسف اغلب التعليقات فيها شي من الكرهه الجماعي والبعض شكك في انتسابنا للمنتدى واعتبرنا عملا لاسرائيل والسعودية لتحسين الصوره ..لا نعلم ماهو سبب الكرهه هل سياسي او بسبب العادات والتقاليد والدين او بسبب شطحات بعض السياح السعوديين او ماذا..؟ طبعا هنا ما نستعطف الود والحب..بس الواحد عيب انه يعمم على الناس كلهم
انا عن نفسي احب سوريا واحب السوريين حتى لو صار موقف ما حبيته من شخص سوري او ماحبيت النظام السوري اصبح جاهل وانسان حاقد اذا عممت.... يمكن خرجت عن الموضوع الاساسي اللي هو البنت السعودية عذرا...........................

لا خيو لا ما يخص عضوة بالمنتدى سبق وقلت انه الموضوع بخص الشي اللي عما نشوفه بين السوريين والسعودييين بلتعامل سواء بالاخوية او على النت بشكل عام او حتى بالفضائيات .

هلق انا من جهتي كعضو بالاخوية كتير بعتبر وجود اعضاء متعددين الجنسيات اغناء للموقع لأن ببساطة وقت بينطرح موضوع ميعن منقدر نشوف وجهة نظره للعضو اللي ممكن تكون مخالفة تماما للفكرة اللي الكل متفق عليها . فطبعا وجودك معنا بيمشي على مبدا ( فيد واستفيد )
اما بخصوص الجملة اللي لونتلك ياها بالاحمر فانا معك ان السعوديين عبيتعرضوا لمضايقات ومرجعيتا عبتكون سياسية بحتة .. بس بنفس الوقت بعتقد ما عبتقصر انت بالغمز واللمز والكلمات متل الجملة اللي كاتبها بالاسود ممكن توضحلي شو معناها وشو معنى الغمزة اللي وراها ؟! محسوبك ضعيف شوي بالربط المنطقي ...

وبالاخير مع اختلافي بالرأي معك برحب فيك بالاخوية وبتمنى يصير تفاعلك معنا بناء بشكل افضل .. النا والك