اقتباس:
كاتب النص الأصلي : كنان2006
نسيم او ليو مسا الخير
قللي نسيم
شو اللي مخلي رؤى تقللي انك بترد رطيقة استفزازية
ورشة غرور كمان؟
|
مسا النور أهلين حج ..
انو اكيد بخصوص الي قالتو رؤى كلام في منو حتى بعيد عن المنتدى في حياتي العملية كتير بسمع من الناس الي حولي اني متكبر وشايف حالي .. الأكتر والي كنت احب اسمعو من ناس هلأ هم أقرب الناس الي انهم وقت كانو يشوفوني زمان كانو يكرهوني "كره" بالفعل .. بس قال وقت عرفناك انعكس هالكره وانقلب لمحبة
وبالنسبة إلي انا مبسوط بإنو الفكرة عني اني مغرور لأنو ما في أحلى الغرور الجميل وشموخ الذات وكبريائها
طبعا وقت بكون مو مصطنع ..
اقتباس:
كاتب النص الأصلي : كنان2006
طب يا سيدي تفضل وهي فقرة أنا ارى
الصور اليوم هني بلغة الجسد خبرني كيف بتشوفون
 |
بصراحة أول ما شفت هالصورة كان تركيزي ع "السيقان"
.. ما بعرف ليش ..
حسيت بالصورة انو فيها شيء بيحمل معنى الأمل والسعادة بنفس الوقت لو حبيت اتشائم رح قول انو هالسعادة سعادة آنية سرعان ماتزول ..
اقتباس:
كاتب النص الأصلي : كنان2006
|
كمان رقص أدائي ويمكن بتحمل بعض المعاني من الصورة الأولى
حسستني بالجانب المتفائل من الحياة وحاس كأنها بتحكي "أطلق العنان لحلمك وتخيل وعيش لحظاتك وحلمك"
اقتباس:
كاتب النص الأصلي : كنان2006
|
أكيد هالصورة ما قصد فيها الاشي الي بدي احكيه بس أنا هيك شفتها
حسيتو عم يحكي : "اذا كنت تحبني بصدق... فلا ترحل وتتركني لأن رحيلك ينزع الأحشاء وروحي" متل ما قال العصفور الي خسر عصفورتو
اقتباس:
كاتب النص الأصلي : كنان2006
|
انو يعني بعدين مع الرقص الأدائي ؟
انو خطرلتلي الشجرة .. أكيد هالراقصة مهما مالت وتمايلت المفروض انها ما تسقط ع الأرض
ذكرتني بمقطع بيحكي "متل الشجر بأرض بلادي منموت واحنا واقفين"
اشي اكيد بيحمل معنى الصمود وبيذكرني بشعب فلسطين الي بيرفض السقوط والانكسار رغم الحصار والتنكيل ..
اقتباس:
كاتب النص الأصلي : كنان2006
|
بصراحة كل ما اشوف سود "زنوج" ببعض بيخطرلي شغلات متعلقة بالعنصرية والمعاناة من العنصرية
أكيد هاي شغلة موجودة بكل مكان .. بس أول ما بيخطرلي أكيد العنصرية الطائفية بالعراق والأكراد وغيرو
أنا بصراحة من أكتر الشغلات الي بكرهها هي العنصرية والنعصب الأعمى ضد المختلفين عنك في العرق و في الدين وفي بلد الأصل أو في اللون .. رغم اني ما عانيت مشاكل عنصرية
بس شفت عن قرب ناس بتعاني منها
نهايتا أكيد كل هاي الصور عبارة عن رقص أدائي على ما أظن هيك اسمو .. وهو طبعا عبارة عن فن بحد ذاتو .. بس يا ترى مين بقدرو من مجتمعنا ومحيطنا لهالفن ؟ أكيد بمجتمعاتنا ما إلو شعبية وجمهور كبير
برجع بكمل بعدين
