[The morning]

المعدات




بالصوره اللي فوق :

الاحرف A1 ,B1 , C1
هنن دلاله على المعدات اللي رح نستخدمها بالرسم بفن الابرو ..
اسمون“awl” (( أ َ وّل ؟! ))
بتلاقيها هي بمحلات تصليح الاحذيه هيك شكلها


اطول شوي اقصر شوي مو بيناتنا ..

رقم 2
هي عباره عن شي متل سنارات الصوف
(( اي هدول اللي ستي و ستك عملولنا منهم كنزات الصوف )) ايوا شي بيشبه هدول
يا خشب يا معدن بعده اشكال و الوان و احجام كمان مو بيناتنا اللي اقربلكون و اسهللكون استخدمو

رقم 3
هلئ اذا بدكون نجي للحق و لشغل معلمين فلازم نلاقي شي
اسمو gum tragacanth بس كمان ما بيناتنا يعني اللي عم يتدربو
او يعني بدون يمشو الحال ففيهم يستخدمو
لزيق ورق الحيطان (( هاد الي بيّك استخدمو وقت عمل حيطان غرفه القعده بتتزكر؟ )) ..
بيجي بودرا يمكن بيشبه هاد
بنحط مي فوقو مي و بظرف دقيقتين المي اللي بدنا نستخدمها بتصير جاهزه


الرقم 4
يعني اذا فينا نلاقي دهان طبيعي بكون احسن و احسن بس بكل الاحوال هو صعب يتحضر
و كمان احيانا بيفقد لمعتو اذا تعرض لاشعه الشمس كتير لهيك فينا نستخدمpigmented paint
اللي هو عباره عن ماده كيميائيه ملونه
(( هي اللي بتغير لون الضو المنعكس مدري هيك شي يعني الما تكونو دارسين عنها بشي سنه من هالسنين لانو شكلها مألوف ))
يعني بدكم تقولو بتشبه هي الصوره




الرقم 5
ما فينا نحضر الشكل المتموج هاد اللي المفروض يطلع اذا استخدمنا الفرشايات اللي موجودين بالسوق
لهيك لازم نعمل الفراشيه اللي بدنا نستخدمها بانفسنا (( بس كيف ما بعرف , لهلئ ما حدا قلي ))

الرقم 6
يعني تقريبا لوح زجاج 20*20 سم
و وحده من سكاكين اللي بيستخدمو عاده لخلط الالوان الزيتيه
انو استحليلكون شي وحده من هالصوره او يمكن لازم يكونو اعرض شوي بس مو بيناتنا
** هامش .. الدفع كاش


الرقم 7
شي اسمو Ox gall
المفروض يلتقى باي محل ببيع مواد رسم شكلو متل هاد

اذا صار و اشتريتو منو فلا تنسو تحطو بالبراد لانو ما بواتيه كتير يضل برا
بس اذا صعبت عليكم القصه و ما التقى فانو فيكون تستخدموPhoto-flo
عوضا عنو و هاد بتلاقو بمحلات بيع الكميرات لانو بيستخدم عالافلام و هي صوره الو كمان



الرقم 8
لازم ندبر شي شغله بتشبه المشط لانو بدها تلزملنا ترا ها عم نخبركم من هلئ مشان ما تقلولنا انو والله ما خبرتونا