بأول يومين تلاتة تابعت حلقة حلقة عالماشي من كذا مسلسل .. بس بعدين ضليتني متابعة باب الحارة 4 (مو بكيفي مجبورة ) و للصدفة ما قدرت أحضر آخر حلقة و بعدني لهلأ مو حضرانتا (بما انو اللي حضروها قالولي انها بتشبه كل شي إلا آخر حلقة ) ... و حضرت كام حلقة من صبايا عالانترنت .. مسلسل خفيف .. للتسلاية مو أكتر .. و بالمسلسلين كان النجم بدون منازع محمد خر الجراح : لعيـونك يا فــوزية / جارتنا سميــحاااا
أما المسلسل اللي حضرتو بقلب و رب و صوتتلو هو زمن العار :
أول شي فكرة المسلسل العامة ملفتة : فكرتنا عن العار و مفهومنا الضيق و المحدود الو .. و بذكر اديش تناقشنا بالصالون بمواضيع عن الشرف و ربط وجوده بعذرية البنت ... بينما الشرف هو قيمة إنسانية منعيشها كل يوم بعملنا و بتعاملنا مع اللي حوالينا ... القصة و الحوار و الإخراج و التمثيل كلا عناصر تكاملت بهالعمل .. خالد تاجا و سلافة معمار أجادوا .. و كمان لفت نظري الممثل إياد أبو الشامات (منذر) اللي عمل دور حلو و أثبت حالو بطريقة مميزة بهالمسلسل ...
و بحب الناس الرايقة اللي بتضحك على طـول D:
أما العالم المتضايقة .. أنا لأه ما ليش في دول
|