[oliver68]

كاتب النص الأصلي : مايسترو

كلامك منطقي والله يا شريك بس السؤال انو لايمت هيك لح نضل؟ وشو فينا نعمل؟



زين كيفك؟



مايسترو

يا معلم المشكلة إنو إنتي لحالك مافينك تعمل شي، يعني هنن يللوا بلشوا هالمبادئ ما عاشوا بأيامي أو حتى أيام جدودي، عاشوا من مئات السنين، وكان السلاح الوحيد يللي خلاهن يوصلوا لهالأيام هوي العلم، ولاحظ العلم وحدو هوي يللي بدخلك باللعبة، يعني اتعب مشان العلم وتلحق الحضارة أكيد رح يصير شي، بس مو هلأ، بالمستقبل، وهالشي واضح بدولاب الحضارة، يعني مرت فترة العرب كانوا حضاريين، بعدين راحوا وإجا غيرهن، وقبلن كمان كان في حضارات راحت وإجا دورن، يعني الشغلة صفة دولاب حضارة بدو يدور عالكل، وأكبر مثال على هالشي الصين، عمتدخل شوي شوي باللعبة، ولاحظ كيف بلشت، بلشت بالتوسع في الفضاء، يعني عندك شعب حابب يتعلم، وحكومة بدها تدخل اللعبة وما بدها تكون بدنب العالم، وفعلا ما استوردت عقول، جندت عقول البلد وعملت تحالفات ومعاهدات وأغلبها سري، وليكها صرلها صولة وجولة بالفضاء من خلال نشر أقمار صناعية وتطوير تكنولوجيا الاستشعار عن بعد، ولمعلوماتك الحضارة أو الدولة يللي بتسيطر على الفضاء بتسيطر عالعالم، بينما قارن الصين بالعرب وبالذات أهل الخليج، شعب مغسول دماغو بالعادات والتقاليد والإعلام الديني، وأهل الخليج عميستغللوا الأموال الطائلة بالجنس والرياضة والتكنولوجيا الفاضية يللي انعملت أصلا مشان تلهين، ولك وياريت فالحين، المشكلة إنو بالجنس وبالرياضة فاشلين فشل مو طبيعي!!!!!
يعني صناع القرار بالعالم عرفانين بإيد مين يحطوا الثروة والمال، يعني اتخيل هلأ المصريين عندهن هالمال، أو حتى السوريين، صدقني لعملنا العجايب، بس ما بيسمحولنا لأن بيعرفوا شعوبنا لو فتحتلها المجال رح تطور وبجوز تهدد هالامبراطوية تبعهن، ونفسهن هدول صناع القرار بالعالم لما سمحوا للصين إنها تطور كانوا عمبفكروا إنو هيك قوة تكبر تحت نظرنا أحسن ما تكبر من ورانا، وفعلا هيك همبصير، أما نحنا فنيمونا بالإعلام والجزء السلبي من التكنولوجيا.
فياصديقي الحل رح يكون بعيد المدى، من خلال علمك أو تعليم ولادك والأجيال يللي بعدنا، وغير هيك ما في حل، طبعا هاي كلها وجهة نظري الشخصية البحتة وأكيد في احتمال إنو تكون خطأ، متل أي وجهة نظر أو رأي يعني.