[Atramez_Zeton]

شباب و صبايا,

من شوي كنت عم اتفرج على المواضيع يلي بالصالون, الحقيقة كانت كلها مواضيع مشوقة و حلوة بس المشكلة عم تجي بالتصنيف, بتشوف مواضيع كتير محلها مو بالصالون, يعني كانو الاعضاء عم يعتبرو (الصالون = المنتدى) ما عم بيصير توزيع صحيح للمواضيع و هادا بيخلي العضو يلي عم بيقرا المنتدى بيحسو مخربط من هل الناحية.

هلا بدو يجي حدا و يقلي اي شو شغلة المشرفين لكن ؟
في مشرفين على عيني و راسي بس انا ازا عندي 20 عضو عم بيشارك و ال20 كل يوم حطو موضوعين بس ازا ما اكتر, اديش رح بيصير عنا مواضيع ؟ فوق ال40 موضوع و هادا شي مو من مصلحة المنتدى منشان يبقى نضيف و مرتب و طبعا ما حدا فينا ما بدو ياه نضيف و مرتب.

فالله يخليكون حاولو انو تشوفو المكان المناسب للموضوع ابل ما حدا ينزلو يعني انتو هيك بتساعدو المشرف بشغلو ويلي ما بيعرف وين يحط الموضوع يسال ايا مشرف بالمنتدى الكل هون منشان مساعدة الاعضاء و ما حدا يستحي كلنا اخوية.

اسف على الاطالة شباب