[Nirvana]

كاتب النص الأصلي : وائل 76

مرحبا نيرفانا ... و مرحبا لباقي الكادحين و الرفاق و الإخوة .. أهلين

نيرفانا بعدي مصر أختلف معك برغم أنو نيرفانا بتعرف حجمها عندي و عند كل واحد عرف نيرفانا و لولا أنو الموضوع لنيرفانا ما كان شاركت بنوب .. أنا بفوت سلم بس على الناس الي بحبها و ما في وسيلة تواصل غير أخوية بيني و بينكم . كلك زوق .. الاختلاف لا يفسد للود قضية .. وبعدين انا بحترمك وبحترم فكرك حتى لو بنختلف أحياناً ..

نيرفانا بتعتقدي أنو هاي الأمة كلها بتاريخها بحاضرها بمستقبلها بشبابها بكل إمكانياتها وصلت لمرحلة الموت السريري و ما باقي إلا أنو نفصل عنها أجهزة الإنعاش حتى نشيع جنازتها ؟ بتعتقدي أن ما بقي بإيدنا شي نعمله غير أنو نحشش و ننسى .. طيب لو فرضنا جدلاً أنو السبيل هوي أنو نحشش و ننسى هدا الوغد العربي المحشش المسطول ( هدا غيرو للفاضل مسطول على طول ) هدا الوغد المسطول وقت ما يُنتهك عرضوا قدام عيونوا و هوي محشش و مسطول بتعتقدي راح يقدر يدافع عن عرضوا .. ولا راح يترك أختو أو والدته أو أرضه تُغتصب و هوي عم يترنح .. بعتقد أنو بهياي الحالة بيكون الأفضل أنو نشيل أجهزة الإنعاش و نشيع جنازتنا قبل ما نوصل لمرحلة نركب فيها قرون و يكون دورنا التاريخي محصور فقط " بالترنح " .
ايه وصلت .. وما رح يقنعني شي بعكس هالشي غير لما شوف بعيني شي عم يتغير .. وائل نحنا شعوب عم يحركها الحقد والكراهية والطائفية ويا ريت ضد عدونا الواضح أمريكا واسرائيل .. لا ضد بعضنا .. انا ما عم قول انو الحل هو التحشيش فعليا .. هاد اللي عم تحكي عنو اللي أختو أو امو أو أرضو عم تغتصب عم يقتل كمان ابن بلدو .. وعم بخون وطنو .. وعم يتفرج .. انا ما بقلك انو الكل هيك .. بس شو النسبة اللي عم تحكي عنها .. البلد واضح مين عدوها .. نحنا بدون تسطيل ما عم نتحرك ..بقا شو حتفرق .. هاد على افتراض اني عم قول انو حششو وانسو .. يا ريت يجنزونا ونخلص ..

عم أتفلسف أنا و أحكي كلام و كأني جاي من مجاهل التاريخ و ما بعرف الواقع الوسخ يلي عايشينه كلنا .. لا بعرفه و بعرفه منيح و بدون مبالغة يمكن أكتر حدا بعرفه للواقع حدا لأني عم أكتوي بناره أنا و مليون و نص بني آدم تآمر عليهم من يدعي زوراً و بهتانا أنه " رأس الشرعية " الواقع يلي عم تحكي عنو نيرفانا و بدك تحششي لتهربي منو ما بعتقد أنكم كلكم وصلتوا لواحد على ألف من يلي إحنا فيه هلاء .. مليون و نص موجودين بقفص طوله 40 كم و عرضه 7 كم و عم ننتظر فرج ربنا .. 4000 محجوزين على نقطة العبور الوحيدة بينا و بين العالم الخارجي ,, توفي منهم 32 شخص خلال أقل من شهر .. بكفي هيك ولا أقلكم أنو 32 ألف موظف من أصل 70 ألف موظف بيقبضوا أصلاً نصف راتب من سنة و نص الـ 32 ألف ما قبضوا راتب إطلاقاً من شهرين لأنهم محسوبين على حماس ... و بما أنو" رأس الشرعية " بيجيب راتب الموظفين من ورثة اللي خلفه فبيعتقد أنو من حقه يموت 32 ألف أسرة من الجوع !! بكفي هيك ولا أحكي كمان ؟؟
مين اللي وصلنا لهالمرحلة .. مو سكوتنا .. مو صمتنا .. مو الخونة ولاد الخونة .. مو الحقد والطائفية .. شعوبنا كل مالها عم تكره بعضها أكتر وأكتر.. مسلم مسيحي .. سني شيعي .. كردي درزي مدري شو .. مليون ملة .. نسيو انهم تحت سقف واحد هوي الوطن .. صار كل واحد بيتحدد بشو طائفتو .. وائل انا ما عم بررلك الاستسلام .. لا بس انا عم قلك انو انا مو شايفة الأمل اللي انت شايفو .. ولاد البلد عم يهربو منها بقى كيف بدهم ولادنا يحسو بالقضية .. اذا نحنا الشباب تلات ارباعنا مو حاسين بشي عم يصير حوليهم غير آخر موضة .. وشو موبايلك .. مبارح حضرت على التلفزيون .. واطلع وفوت .. (ليش لنبعد قيس على أخوية وشوف النسبة) .. وائل نحنا لو شعب تاني بالامكانيات اللي عنا .. صارت فلسطين حرة .. ولبنان حر ..سوريا حرة .. وكان ما حدا استرجى يقرب صوب العراق ..
ولا وآخر صيحات الموضة .. الجماعات الاسلامية .. صارت المقاومة يا وائل دينية .. بطلت وطنية ومن يومها يا وائل ضاع الوطن ..
أنا احكي كمان ولا خلص ..
ما حششنا ولا عم نهرب ولا عم نقول يا رب خدنا و ريحنا .. ولا طالع بإيدنا شي نعمله غير أنو ننتظر رحمة الله _ و _ نخلق حالة وعي عامة بقضيتنا و أبعادها و يلي عم يصير و ليش عم يصير هيك .. علشان لو الجوع ركعنا و ضعفنا نلاقي مين يقلنا إصحوا فيقوا وين رايحين في ناس دفعت دمها لاجل هالقضية و أنتو شوية جوع راح تخليكم تركعوا ... علشان لو ربنا كتب أنو ياخد أمانتو و نموت يكون في ناس بعدنا توقف بوجه أي محاولة للتصفية .. 60 سنة و إحنا عم ناكلها من ولاد قضيتنا قبل ما يكون من النظام الرسمي العربي و من اليهود و مع ذلك بعدنا واقفين ..و عم نوعي الناس و نفهمهم .
فكرك انو الناس ما بتفهم .. الناس عارفة انو السيناريو تبع أمريكا وتبع الانظمة العربية عم يتكرر والحقد الطائفي والحروب الأهلية .. شوف التاريخ .. اذا ما فهمو الناس هالشي .. يبقى نحنا أغبى شعوب العالم ..
رح يطلع على لسانا شعر من كتر ما لعينا .. اذا ما في حدا بدو يسمع .. شو بتقدر تعمل ..
مو مطلوب منكم نيرفانا شي إطلاقاً غير أنو توعوا الناس كل واحد بيقدر يوصل فكرة و مضمون يحاول يوصلها حتى لو كان لأخوه أو أخته أو بنته على الأقل لو جيلنا كلو ما قدر يعمل شي بيوم من الأيام .. نموت و إحنا مطمنين أنو في ناس قادرة تحمل الراية بعدنا و تنتقم من كل حدا تآمر علينا و على مستقبلنا و إلا فلنفصل أجهزة الإنعاش الآن مانا محتاجين نوصل لمرحلة مجرد مرتنحين و عرضنا عم يُنتهك قدام عيونا ..
ما حدا بدو يسمع .. صدقني بس يجي الدور على ولادنا .. بكون اكلتنا الطائفية من جهة وامريكا واسرائيل من جهة تانية .. وما بضل في الوطن إلا خراب .. اذا جيلنا ما عمل شي ما حدا رح يعمل ..
بتمنى حدا يجي يفصل اجهزة الانعاش عنا لانو اصلا نحنا أموات .. لانو الي ما بحس .. ميت ميت ميت ...

الحشيش يلي عم نتعاطاه من طول عمرنا وصلنا لمرحلة يجي فيها _ الجذر التعكيبي لبقايا رجل _ و مجموعة من أشباه الكائنات الحية تقيم دور حسن نصر الله بأحد المواضيع المخزية هون .. و كأنو من وجهة نظر هذا الجذر كان لزاماً على نصر الله أن ينضم لجوقة رافعي الأرجل من نظامنا العربي الرسمي و إلا بيكون عم يدمر لبنان .. فينجراد بيقلك فشل ذريع و مصيبة لم نتعرض لها من 30 سنة و الجذر التكعيبي عم بيقول أنو الرافضي إبن المتعة خرب بيتنا !!
وأنا عم قول هالشي.. بس مو من الحشيش يا وائل .. من خوفنا وجبنا وقلة انتماءنا .. من الخيانة والاستبداد .. من الظلم والاستسلام .. من قلة الثقافة والوعي .. من التطرف .. من الحكم الديكتاتوري وحتى الفساد المتفشي في بلادنا .. من المصلحة الشخصية للقمة الخبز اللي عم بتذل شعوبنا .. من اميركا لاسرائيل .. من كتير اشياء ..
شفتي لوين وصلنا الحشيش نيرفانا ..
الحشيش بوصلك لمطرح تانييييييييييي بس مو للكره والحقد الأعمى .. الحشيش الحقيقي يا وائل هو خضوعنا لكل شي غير الوطن .. من الدين للقمة الخبز ..

تحياتي الك و أسف أنو كتير حكيت .. الغضب و ما أدراكي ما الغضب

تحياتي الك .. بهمني مرورك وكلامك ..

أما الغضب .... ما بدي بلش احكي عن الغضب اللي جواتي .. خلي جوا ..