اقتباس:
كاتب النص الأصلي : Madmax
بالرغم من كل شي ..... اذا بتطلعي حولك .... بتلاقي نسبة القراءة بين الفقراء أو أصحاب الدخل المحدود أكبر بكتير
من الاغنياء و المرتاحين مادياً .... هدول ما بعرف ليش بحس عندون اهتمامات تانية أهم بنظرون من القراءة
|
هلا انا معك بهاي الشغلة ... انو الغني عندو شي اهم يفكر فيه من القراءة وانا قلت انو هاد تفسيرو لحال ما الو دخل بالمستوى الثقافي والجهل..هاد الو دخل بفضاوة الوقت...
وانا حكيت كمان انه فيه علاقة نسبية وبسيطة بين الفقر والجهل....وكمان انا عم بحكي عن البيئة انا فيها..انو هون عنا التعليم مو مجاني مو متل سوريا
هلأ عنا فيه مدارس حكومية بتاخد مبلغ بسيط بس فيه ناس ما بقدرو حتى يوفرو هالمبلغ البسيط ..مشان هيك بطلع لا بيقرا ولا بيكتب وبالتالي بكون جاهل بسبب فقرو...
اقتباس:
يعني بذكر لما كنا صغار .... و لما كان مصرفنا ما بيسمحلنا نشتري أي كتاب ....كنا نروح نداوم و نقضي ساعات طويلة بالمركز الثقافي ....و كانت القراءة عنا عن جد متعة
أما حالياً ما عم نقرا غير للضرورة القصوى .. أو اذا كتاب لفت نظرنا بشدة
|
هون انا معك مليون بالمية..لأنه من قبل كنا نسكن بالمكتبة وما نطلع منها بس متل ما قلت هلأ الواحد ما بقا يفضى الا للكتاب الي بيخرط مشطو عالتمام....