شباب شو القصة ؟؟؟ يعني ماني شايف شي بأخوية غلط
أنا أول ما دخلت وسجلت بهالمنتدى يا سميرت كان اعتراضي ع حوار الأديان ... لأنو قسم سيئ وهاد رأيي ... ليش سيئ : لأنو أول أفضل حل للتمييز الديني بمجتمعنا هوي صرف نظر الأنسان عن هالأشياء و جعله يهتم بأشياء أنفع للمجتمع والوطن ... وهاد القسم بيذكر هالبشر أنو بمجتمعنا في مسلم و مسيحي ، و أنو في فرق ... ما رح كتر حكي لأنو الله وكيلك مالي نفس
الحل تنفّذ قبل تحديث الأخوية و ليكو قسم حوار الأديان مسكر ...ما بيدخل عليه غير اللي بدو يدخل ..وأنا ريحت راسي منو بأنو ما بدي أدخل .... ولا بدي صير من مجموعة الديكارتيين ومابعرف شو !!...
بالنسبة لقسم السياسة ... ليكنا كلنا ألا ما يسمع خبر من هون أو من هون هاد حكى ... هاد شلف كلمة ... غلط ... أو صح ... تلفزيون .. راديو ... وقفت ع هالقسم يا زلمة ؟!!
أخوية كلنا منحبها ... وليكني أنا تقريباً كل يوم بدخل عليها ... وحاببها تكون دايماً الأكثر تنوعاً وحضاريةً ... لأنو هاد معيار من معايير تقدّم الأمم ...
صحيح أحياناً بيطلع معي فصول بتهوي و بتخلي الشباب يزعلو مني و يكرهوني ... بس الله وكيلك أنا بحب هالموقع و الأعضاء اللي فيه ... مع العلم أنو الفصول اللي بتطلع مني هيي نابعة من همومي بس ... مو لأنو عندي حقد ع حدا أو كذا ...
شو بدنا بالحكي هلأ ...المهم أنو الأخوية هلأ كتيييير حلوة ومو ناقصها شي .. بس ناقصها أنو الشباب هيك يعطوها شوية تنوّع بالمواضيع ... وكل واحد بحسب معرفتو و اهتماماتو ....
شكراً سميرت ع الموضوع
