[minime1967]

حدا بيعرف معسكر التدريب الجامعي بالموزمبيق ؟؟؟؟؟ كووول

كنا مانصدق على ربنا ايمتا نشلح البدلة المصنوعة من قماش الخيم والبسطار المصنوع من صخور البازلت ..والشمس قادحة نار بمنطقة بس العقارب وطالع بتحبها أو ممكن تعيش فيها اسمها الضمير ..

بس نخلص دروس الكرامة والشعب التيس اليومية , منروح مننقبر بالخيم تقريبا بالظلط من الشوب مو لأننا شاذين ..


بيروح بيجيك صوت من أخر المعسكر بيقلك : "على كل الطلاب التجمع في ساحة المعسكر باللباس الكامل " هذه العبارة الكريهة المليئة بالمقت والشرشحة متل "كل" و "المعسكر" , " ساحة" و "التجمع" يعني شي مليون كلمة كريهة بجملة وحدة ...

الخلاصة : بيروع بيطلع أنو سبب الاجتماع مو أنو الضابط بدو يتصبب علينا ويحس حالو قبضاي وأنو بيطلعلو يمصع رقبتنا , لأنو طول قبل الظهر وهو مو مقصر باسترداد رجولتو اللي خسرها عند معلمو ...

بيطلع أنو في مسرح عسكري ....



يعني اللي خطط وانشاء الاختراع اللي اسمو مسرح عسكري أكيد أمو زانية فيه وبأخواتو ..


ياعيني مابدنا نتفرج عالمسرح اعمسكري ...فالج لا تعالج ..

ياحبيبي نحنا مبسوطين هيك ومستمتعين بالمعسكر والله موناقصنا شي .. حلو عن ربنا ...

مافي مجال بدك تنبسط بالمسرح المسكري غصبن عن اللي خلقك ...


هون يبجيك الشبه والمقاربة بين أمريكا والموزمبيق .. بدك تتحرر وتتديمقرط غصبن عنك ومتل ما الله بيورجي الأخ بوش بالمنام ...

يعني اذا كان قادح فول عالعشى وشاف أنو لازمنا ديموقراطية صليبية , مناكل خر... متل العراق.

اذا كان معزوم بفرنسا وسلخ شي كوردون بلو بالروكفور , بتنقش معنا ... يعني بياخدنا بحلمو وحنانو ..ويعاملنا على أنو دمنا أزرق مع أنو جرادين.

اذا كان معزوم بالسعودية على شي منسف ... رح ينسف سلسفيل أجدادنا ..

اذا كان معزوم باليابان على أكلة سوشي .. رح ياكلنا ني بلا شوي ..


مابدنا ياحبيب ... ما ألنا مصلحة مع بوش ... ولا مع الشباب بالموزمبيق .. طيب ما بيصير لازم تنقي ...

شو بدنا نعمل ؟؟؟ لا دلال السلطة ولا شرف المعارضة .... والله مو سهلة ..

مافي شي "قوة تالتة" ؟؟؟؟ أو حتى "ضعف تالت" ؟؟؟

لاقولنا شي جهة ننتسبلها والله مو حلوة هالسلبية ...

أنا رح حاول أنضم ل "جبهة تحرير فنلندا" بس ماعبعرف وين تقديم الطلبات .. وما لقيت ولا معقب معاملات فنلندي ..

الله يخليك يا Yass اذا شفتلك شي معقب معاملات سنتياغي , دعمنا بمعبتك .....