[krimbow]

كاتب النص الأصلي : chalice

طبعا حر تعبد اللي بدك ياه...تعبد مليون شيطان...أو حتى توقف على المراية وتسجد لنفسك
هيدي حريتك الشخصية...شو يعني أنا حأتحاسب عنك
بس اللي مش حريتك الشخصية تطلب من غيرك يغير قرآن أو أنجيل مشان حضرة جنابك ومشان ما يأسفوا على قلة عقلك...ومع هاد ما حنسب "أربابك" لأن الرسول صلى الله عليه وسلم قال:
"لا تسبوا آلهتهم فيسبوا الله عدواً بغير علم"
ولا شو رأيك تمشينا على كيفك؟ ليكون هيك الحرية ببالك؟
ههههههههههه الحمد لله مافي حرية كان شفت كل واحد ماسك مسدس حاطه براس التاني مشان يمشيه كيف ما بدو

على فكرة كتير نقاشكم منطقي أنت ومشجعينك....بيدخل المخ وبيخلي الواحد يؤمن أنه ما بتظبط شغلة الحرية أكتر وأكتر
أنا حر مستنكر الصور...ألك عندي شي تعال حاسبني أوكيه
حأعطيك دليل على الحرية أوكيه يا قلبي...واللي ببين قلة ثقافتك يا شاطر...
"قل يا أيها الكافرون لا أعبد ما تعبدون ولا أنتم عابدون ما أعبد ولا أنا عابد ما عبدتم ولا أنتم عابدون ما أعبد لكم دينكم ولي دين"
الآية صريحة...بدك تغير قرآن قالك أعبد اللي بدك ياه بس لا تقرر لغيرك شو يعمل...قبل ما تناقش شي أدرسه مظبوط حبيبي
وقال تعالى أيضا "لا أكراه في الدين"
فخود راحتك حبيبي أعبد اللي بدك ياه...بس لا تتوقع منا أنه ينسب محمد صلى الله عليه وسلم أو عيسى عليه السلام أو أي نبي من الأنبياء ونسكت
متل ما بتوقع منك أنه لو أمريكا دخلت بلدك ما تدافع عنها

على فكرة اللي عم يحاكيك هالكلام مش إسلامي متشدد...بس متل ما علمنا نبينا محمد صلى الله عليه وسلم نحترم غيرنا...ومثل ما علمنا أنطون سعادة احترام الدين واحترام دين الآخر...لازم رد عليك...أوكيه

تحياتي

على راسي
بفهم من هالكلام، ما يلي:

انا حر اعبد يللي بدي
و انتي حرة تسبي يللي بعبدو
و انا ما بيحقللي طالبك انك تبطلي سب على اربابي
بس بيحقلي استنكر مسباتك

بناءا عليه
بيحق للرسام الدانيماركي يرسم مين ما بدو
ما بيحقللك تطالبيه انو يبطل يرسم
بس بيحقللك تنشري صورة احلى عن الموضوع المرسوم

بالنهاية موقفنا من الصور كان ماشي مع اتجاهاتك، و ما خالفها

يعني وحدة من تنتين

يا اما بتبطلوا تسبوا حدا .. بدءا بالمشركين و ليس انتهاءا ببوش و غيرو .. و هذا ما يدعى احترام المعتقدات
يا اما بتسبوا على كيفكم، و غيركم بيسب على كيفو , و هذا ما يدعى حرية رأي

بس والله انتوا تسبوا مين ما بدكم (حرية رأي) و غيركم لازم غصب عن راسو يحترم معتقداتكم.... صعبة شوي

اختاري الحب او اللا حب
فجبن ألا تختاري
لا توجد منطقة وسطى
ما بين الجنة و النار