اقتباس:
مين قال انو شباب ريف حلب ما بيتعلموا ولا بيروحوا عالجامعات ؟!! بس يا ترى قديش نسبتن إلى عدد سكان قراهم ؟!! و مين قال انو التخلف معناه الأميّة ؟!! التخلّف علّة بتصيب التفكير و نظرتنا للأمور و تقييمنا إلها و هي مو حكر على الأميين ولا على أهل الريف .. فينو شخص جامعي و من المدينة يكون متخلّف إذا *مثلاً* بيعتدي ع أختو بالضرب على خلفية اكتشافو لأنها على علاقة بشب
بس اللي قصدو BLACK و اللي بأيدو فيه انو ريف حلب من أشد الأرياف السورية تخلفاً (و بنفس الوقت بأكد على عدم تعميم صفة التخلف و الجهل على كل الأرياف لأنه متل ما سبق و حكى inodessa في قرى سورية أهلا بشر و عالم أكتر بكتير من سكان بعض المدن)
|
تماما حطيتي ايدك على الوجع
الأرياف والمدن حاليا ما عاد في فرق بالوعي ومنهجية التعامل شبه واحدة بيناتن
يعني التخلف موجود بناء على واقع الريف والمدينة مشترك تماما من ناحية التوعية
المستوى جدا متردي يعني عدد جمعيات الشبيبة اصحاب الراسائل الاجتماعية في سوريا يقارب الصفر ..بالريف والمدينة نفس الواقع ونفس المشكلة الهم عدا هلكام حركة كشفية اللي هدفا تنشئة شبيبة كشفية بتحترم قدسية النظام والانضباط بعيدا عن اي قيمة اجتماعية تذكر
فالكل بالهوا سوا الهم التجمعات " وليس المجتمعات " المسيحية عندا نقطة جدا ايجابية في سجلها وهية ضم الشباب بحركات اجتماعية تحت رعاية الكنسية " كون التجمعات غير الرسمية مرفوضة جدا في سوريا " منقدر نقول عما تلعب دور بشكل او بآخر بتوعية ونشر قيمة ايجابية بالشباب .. بغض النظر على دورا الاساسي بتنشئة سليمة تحت اشراف كوادر مدربة اجتماعيا ...
اقتباس:
|
و من فترة كام سنة صار في هجمة قوية من أهل الريف على حلب و ترافق هالشي بازدياد ملحوظ للجرائم و الاعتداءات .. فكان الربط بين هالتغييرين جائز كتير و منطقي ... هلأ هالناس إذا أجت من الحيدرية (بصرف النظر عن كونها ضيعة أو منطقة بالنهاية النتيجة وحدة) أو أجت من تل رفعت ولا من عفرين .. إذا سؤالك انو شو خص هالشي بانعدام الأمن اللي صاير ؟ فأنا بقلك انو قسم من هالناس ما عم يتحمل عقلن الشوفات اللي عم يشوفوها و معروف انو أهل نسبة منيحة من سكان حلب ميسورين مادياً و بناتن آخدين راحتن شوي بلبسن ...
|
بخصوص المواضيع المدرجة بالخبر فهية بعيدة جدا عن فرضية اهل الريف لمتخلفين وتزايد الهجراة نحو حلب
من جهتي ما لاحظت زيادة عددية بالفترة الاخيرة ... قد ما لاحظت بأن سعر المازوت نط من الـ 8 لل 25
الشي اللي غلي معه كلشي بدأ من السرافيس انتهائية بربطة الخبز .
اما بخصوص سرافيس الحيدرية وباب النيرب وهنانو " وايام زمان كان يضاف الن الشيخ مقصود والاشرفية
"
مع فرض خط مسير الن بمناطق التجمعات المسيحية " او اوروbبا متل ما الشباب بسموها
"
فمشكلتن بأن الانسان الناشئ ببيئة متعصبة صار بيقدر بـ 3 ليرات ينزل " يجلي عيونه "( آسف على التعبير البقرف بس حبيت انقله بحرفيته ) ويرجع لبيته بعد فتلة من العمر .. فينك تشوفي مقال لزين على مدونته
http://zensyria.blogspot.com/2009/04/blog-post.html
ممكن يختصر عني كتيرحكي .. بتمنى تقريه قبل ما نتابع بالكتابة لأن فيه اكتر من نقطة مهمة .
اقتباس:
|
و مين قلك انو بدنا ننتقد بس لننتقد ؟!! هي بلدنا و ما حدا بيشمت بعزا ستو ولا بيبزق بالصحن اللي بياكل فيه .. نحن منى عيننا يكون كل شي متل ما عم تقول .. و الحمد لله يلي ما صار معك و مع عيلتك قصص و تجارب مريرة .. بس أنت مانك عايش لحالك بحلب و الناس اللي حوالينا و عم تحكيلنا القصص اللي عم تصير معها معانيّة لشبعانة و مانا مدسوسة من جهات معادية لتشوّه سمعة البلد و تطيح بالنظام !!
|
طولي بالك ما حدا عما يخون حدا هون
بس القصة صايرة بأن الشباب كلما دق الكوس بالجرة بغنوا الموال نفسه " رشاوي فساد قانون طوارئ حرية راي معتقلين سياسيين "
وتم ذكر الرشاوي والفساد بما يتعلق بالموضوع .. لهيك قلت انه النقد كان بهدف النقد .. يعني سيدي حفظناه من كتر ما اتكرر ... بس اكيد ما كنت عما احكي على نقد جانب كثرة الجنايات بحلب بالمخصوص
لأن فعليا الموضوع بهمني تماما متل ما بمهم .. وبهمني جدا انقده وحاول اوجده حلول بعيدا عن سيديات اللي شبعنا منها ومن الاسطوانة اللي فيها الما عاد تخلص
حكيت فوق عن راي بالقصة .
اقتباس:
كاتب النص الأصلي : أم الجود
مو ملاحظ انو أسلوبك تهكمي زيادة عن اللزوم و مسيئ ؟!!
إذا ما عجبك الكلام و كان الك رأي تاني هادا حقك بس ما في لزوم لهالردود المستفزة ..
|
لا تعتلي هم هلناحية
في متل بقلك لبوس اللي بريحك واحكي يللي بريحني
الزلمة هيك متعود يناقش فانه عادي عما نحاول نتواصل معه باسلوب كتابته
