هلأ إنشاء الله تختلف عن إن شاء الله معنىً ومضمونا ..
الاولى تعني فعل الله او تكوين الله تع تنقول.. التانية بتعنى إن أراد الله..
بالنسبة للمؤمن هالكلمة تعني انو في نية للعمـل وفي استشراف للمستقبل لكن تبقى الامور بيد الله وهوي اللي رح يقرر ازا الشي صاير او لأ.. يعني متل ما بتقولي لصاحبتك بكرا جاي عندك ازا ما صار شي طارىء..بس بالنسبة للمؤمن هالشي الطارىء ازا صار بصير بمشيئة الله وتقديره..
وانا بتفق مع الكاتب بإنو دحش هالكلمة بكل محل وبكل جملة شغلة مش مريحة..واصلا ما بعرف ازا ظاهرة صحية وصحيحة من ناحية معنى ولغة!! ..لا والمضحك المبكي الجملة اللي بكتاب الرياضيات عن المستقيمان المتوازيان..تصدقي نحنا بالمدرسة كنا نقول هالجملة على انها نكتة  ..والله ولا مرة فكرت انو هالجملة موجودة حقا 
اسـا في ناس بتشوف انو كلمة ان شاء الله هية تحبيط وتثبيط للعزائم وتوكل اعمى ..والخ من هالامور..
انا شخصيا بقول هالكلمة (اكيد مش متل صاحب الكشك  ) وولا مرة حسيتها هيك وولا مرة اخدتها بهالمعنى ..بالعكس بحسها بتقويني..
لا تَقُل : يا رب عندي هَـمّ كبير
ولكن قُل : يا هـمّ عندي ربّ كبير :]
؛
يا ريـحة البـلاد يا عطر الفّواح ..غـالي علينا يا تراب بلادنا
|