اقتباس:
كاتب النص الأصلي : شب الكوبة
متل متل كل مواطن سوري منصف لاحظ الانفتاح الاعلامي يللي صاير بسوريا من سنين عدة لهلأ
_______________________
و مع تعدد التلفزيونات الخاصة بتمنى متل ما كل مواطن سوري شريف بيتمنى ... أنو ما تتجاوز هذه التلفزيونات الخطوط الحمر"من مناطقية و طائفية و تحيز .....
|
هو أول شي عندي ملاحظة بعتقد انها متكررة بمواضيع الأخ شب الكبة... انك تعطي صفات للي يعتقد بشيء ما.... مثلا لما تقول انو كل مواطن منصف ملاحظ الانفتاح ... طيب اللي مو ملاحظو كذاب يعني؟؟
و كمان تحت تبعيت كل مواطن شريف يتمنى انو التلفزيونات ما تتجاوز الخطوط الحمر... أساسا ربط كلمة اعلام بكلمة خط أحمر هو خطأ.. مهمة الاعلام هو تقديم المعلومة اللي عم تصير.. و طالما في تقييد لهالشي معناتو مافي اعلام..... و ازا صار حادثة طائفية بالبلد بعتقد من واجب الاعلام الاخبار عنها و من حقي اعرفها.. و أنا بعتبر حالي مواطن شريف..
بعدين عندي كمان ملاحظة حول عدد الدوريات و الصحف و ما إلى هنالك.. يعني بصراحة معروفة عدد جيد من هالدوريات مين مالكها.. و معروف توجهها.. و هالعدد مسخرة حقيقة ازا عرفنا انو بفترة الخمسينات كان في بمدينة دمشق 40 دورية ما بين جريدة و مجلة.. بالخمسينات كان في 3 جرايد بمحافظة دير الزور.. و هلأ مافي غير جريدة وحدة عملوها من فترة هزيلة و مثيرة للشفقة..
و بالنهاية بالنسبة لحرية الصحافة... فلا في حرية صحافة و لا في نية لجعلها... عم يولدو حيتان اعلام جدد متوافين مع السلطة على شو بينتشر و شو لأ... و في تبادل مصالح فيما بينهم.. و ما زلنا نضطر نقرا أخبار بلدنا بالصحف الخارجية.. و ما زلنا ازا صار شي بالبلد نفتح مية تلفزيون قبل ما نفتح التلفزيون السوري.. و هالشي مدعاة خجل...
و شكرا