[architecturer]

يعني يا جماعة ماعم أعرف كيف بدي بلش بهيك موضوع والصراحة ماعم أقدر أوصف الشي اللي صار بحفلة الشرفة مسا الخميس 9 ايلول
الوسوف كان طاير بكل معنى الكلمة والعالم كانت مسلطنة بشكل ماطبيعي وكالعادة كان في اسلوب جديد بتأدية الأغاني بس هالمرة عن جد غير كل مرة .
قفلات عجيبة للأغاني دخلات وطلعات بتعقد والشي الأحلى أنو هو كان مبين أنو حابب يغني كتير ومروق لأبعد الحدود .
كان موجود بالحفلة رويدا عطية هي وجوزا وخلاها تغني معو نص مقطع من تأخرت كتير( ليش عطاها هالوجه مابعرف )
المهم شرف المعلم عل الحفلة الساعة 1 بعد نص ليل بسيارة أودي سودا بتسطل وراها جيب شيفروليه بيعقد والشباب الطيبة كالعادة كانت ناطرتو عل الباب وبعد مية طوشي قدر الوسوف ( يزمط ) لجوا و هاي السنة كان في غير عناصر الشرطة في عناصر حفظ نظام( خوذ وعصي )..
افتتح الوسوف الحفلة ب ( قول الكلمتين ) وختما ب ( ارمي الشبك ) والله يحميك يا أبوديع لأنو حفلة عجيبة وأنا متأكد أنو رح تنزل قريب كتير عل الأسواق ( صوت وصورة )
خلص الملك الساعة 3 وكالعادة كانت الطلعة أصعب من الفوتة ( لأنو دخول الحمام ما متل طلوعو )
وطبعا أنا والشباب ما كدبنا خبر أخدنا سرفيس ويلا عالكفرون وبسطنا عل الأرض قدام باب الفيلا وقعدنا نتفرج عل العالم يلي كان عازمون لعندو بعد الحفلة ومن جملتون رويدا ومرة نسمعو عم يضحك مع السهرانين ومرة عم يعيط على المرافقة وصوتو واصل لجبل السيدة ..............
وهيك لحتى راحت العالم كلا وتخيلو أنو رويدا وجوزا ما راحو لآخر العالم وتمو عندو للساعة 6 الصبح ..........وهون فرجت علينا وقدرنا ندخل لجوا ويلي بحب الوسوف متلي بيعرف شو يعني أنو الواحد يكون قاعد معو بجنينة الفيلا الساعة ستي و ربع الصبح وبعد ما تصورنا معو واتطمنا علي قلعنا من عندو لأنو بدو ينام وطبعا طلعنا من عندو والابتسامات من الادن للادن على كتر السعادة .
المختصر أنا قديش شايف الوسوف ومتصور معو بس متل هالنهار العجيب ما بقا يمرق بحياتي وكنت حابب كل الشباب والصبايا الطيبة ( يلي بحبو الوسوف بس ) يكونو معي . :P
وأخيرا منقول

وسوف ياااااااااااااااااااااااا ااااااااااااااااااااااااا روح