مرحبا للكل....
انا حابب اطلع من المقلاية واحكي كم كلمة.....وارجع ع المقلاية كونه مش كتير حيكون كلامي مهم لمعظم الاعضاء وبعدين برجع ع المقلاية...
أول شي...المشرف مو معصوم عن الخطأ, انما هو ممتلك الصلاحية بأقسامه بأخوية....ولكل مشرف خطوط عريضة بيلتزم فيها هي القوانين والاعراف بأخوية...واله أيضا هامش من الحرية بقسمو كونو هو بالنهاية شخص تشرّب بقوانين أخوية وانتقل لمرحلة انو صار عندو خبرته الشخصية يللي بتسمحله يناور ضمن اطار القانون...
ثانيا...بالنسبة للمواضيع يللي بتقيم عمل الاشراف...انا حتى الان ما شفت ومن فترة سنة لهلق موضوع لتقييم عمل الاشراف مطروح بشكل شخصي...كل المواضيع المطروحة عم تكون مطروحة باسلوب تهكمي ساخر وبكتير من الحالات عم يكون التجريح هو الصفة السائدة ع الموضوع....
الموضوع هاد فيه افتراء صريح ع المشرفين...التوضيح موجود لاحقا....
ثالثا...بالنسبة للمواضيع الدينية بعتقد انو أي موضوع مسيء للاسلام عم ينحذف وبأسرع وقت ممكن....أنا شخصيا وبايدي رافع تقرير مشاركة عاطلة عن أخر تلت مواضيع نزلو وكانو مسيئين....
والتلت مواضيع يللي نزلو تم حذفهن وقت رجعة المسؤول عن القسم وتم تنبيه Vesna مرتين وأسير التشرد مرة حتى قبل ما يجي المشرف المسؤول ع القسم من قبل مشرف أخر...
رابعا...نظام المحالفات بأخوية هو نظام تقريبا سري...يعني لما بيتخالف شخص ما حدا غيرو من الاعضاء ممكن يعرف....والمشرفين طبعا...
وبالتالي ممكن يكون عضو قد اساء لاحد الاعضاء تخالف بس مو ضروري يعرف العضو الضحية أنو يللي اساء اله تعاقب...
هل معكن خبر انو vesna وأسير التشرد تخالفو؟؟؟؟
خامسا...بالنسبة لموضوع مخالفة بيتي...أنا يللي رفعت تقرير المشاركة العاطلة بهالموضوع وطلبت من المشرف انو يخالفه....لانو الموضوع كان واضح وصريح باتهام المشرفين بالتغاضي عن المواضيع المسيئة للاسلام علما...
واذا الاخت حابة اشوف اذا في اساءات للديانات الاخرى والمقصود فيها المسيحية...فيا ريت تنكشي شوي بأخوية...
سادسا...بالنسبة لاخوية...نعم اخوية بدأ كمنتدى ذو طابع مسيحي وغالبية عظمى مسيحية...وحاليا هو منتدى سوري ولا توجه ديني اله...اما الطابع يللي بياخده المنتدى فهو نتيجة نوعية مشاركات الاعضاء والاشراف ما اله اي توجه بهالخصوص...
وتجربة أخوية هي تجربة رائدة بكل المنتديات...كونه المنتدى الوحيد يللي نزع عنه الصبغة الدينية يللي انطلق منها...وحتى الان ما شفت أي منتدى اسلامي عمل هالشي...وما شفت بمنتدى اسلامي حدا بيقدر يفوت عليه ويطالبه بتغيير سياسته او حتى ينزل موضوع فيه اساءة للاسلام ع غرار عشرات المواضيع الموجودة بأخوية...كاتهام الانجيل بالتحريف وبأنه كتاب جنسي و و و ...الخ
سابعا...منشان ما يتم اتهام المشرفين بالتعاطف مع دين ع حساب دين...يا ريت تشوفو موضوع (الاخونجي كهربجي يضطهدني) يللي نزل بسقيفة البريد منشان ما يتهم الاشراف انو عم يدعم الاشهاص المسيئية للاسلام...
سلام....للكل...
.
I am quitting...
|