اقتباس:
كاتب النص الأصلي : zen
مرحبا
هلا في شغلة
انو مو كل كردي طالب بالاستقلال عن سوريا خاين
بس قلي وين بدو يستقل وين البلد
يعني أكيد ما راح أجي اقبل انو ياخد قطعة من سوريا ويعملها كردستان متل مو صاير بالعراق وبعدين مو ناقصنا تنشال قطع من هالبلد بيكفي لواء اسكندرون والجولان
هلاء انا مع حقوق الكراد انو يكتبو ويتعلموا لغتوا بمعاهد خاصة من السران والارميين اللس الهون معاهد لتعليم لغتهم
بس الحق يقال أنو لهلاء ما قابلت شخص كردي مع احترامي الهون
ألا كان من ضمن أفكاروا وأحلاموا انو يكون مستقل عن سوريا بجزء من سوريا واللي هوي الجزيرة وانا برفض هالفكرة شخصيا
هلق اذا بدنا نحكي عن مواقف سياسية ما منخلص لبوكرة لانو المواقف بتحكم فيها الظروف
وما في ولا دولة ولا سياسة عالمية موقفها ثابت من قضية معينة على طول
 |
عمي زين اول شي مرحبا
انا معك تماما انو مطالب الانفصال عن سوريا هي برا النقاش اصلا و شغلة مفروغ منها انو سوريا مو ناقصها يصير فيها متل العراق كمان.
بالنسبة لقضية المواقف السياسية , عمرك شفت دولة عندها مشكلة مع الاكراد بتقوم بتدعم انفصال الاكراد بالدول المجاورة؟؟
حزب العمال الكردستاني بالتمانينات و التسعينات كان ناشط و بقوة كمان بمناطق الجزيرة و بعلم و موافقة السلطة , فشي طبيعي يكون قدر يستميل عدد كبير من الناس اللي هنيك بافكارو الانفصالية
انو الخلاصة يعني انو حل هالمشكلة ما بيجي بالالغاء و الاقصاء وانو البعض معتبرن انن ربع سوريين و مالن حق باي شي بهالبلد , هالنهج هدا رح يخلي مصير الجزيرة عنا متل مصير شمال العراق مع اول لحظة بتضعف فيها السلطة المركزية بهالبلد.