[قصي مجدي سليم]

كاتب النص الأصلي : krimbow

ما بعرف اذا بدي اتشكرك أو سبك ع النصيحة بس رح احكيلك قصتي مع "ماركيز" و انت قرر

بدايتي مع ماركيز كانت مع "مئة عام من العزلة"، و مع اني انهيتها ب12 يوم بس ضليت عم عيد قراءتها 8 شهور، و وصلت الحالة معي اني كنت رح ارسب بالجامعة، و كل ما انهيها قول ((هي آخر مرة)) برجع عن كلمتي (يمكن بيحط هيرويين فكري بكتبه)
المهم اني كنت رح ارسب بالجامعة، و وصلت معي الامور لدرجة الجنون بمئة عام من العزلة، ما عدت حكيت غير عنو، و بالنهاية قرروا رفقاتي و اهلي انو يتدخلوا فسحبوا النسختين يللي معي (لانو الاولى تشققت قمت اشتريت كتاب تاني) و بعد معارك طويلة تخلصت من عقدة "ماركيز"
بس بعد كم شهر و انا و قاعد مع رفقاتي وحدة جابت سيرة "الحب في زمن الكوليرا" و قالت انها لماركيز....
طبعا رفقاتي غيروا الموضوع بسرعة لحتى ما نقلب المواجع بس هيي (الله يصلحها) أصرت انو تحكي عن ماركيز، والخطير بالموضوع أنو قالت شغلى حسمت كلشي.....
((((كل شي بيكتبو ماركيز بيكون شايفو))))
هون ....... خلص. قررت انو لازم اقرا " الحب في زمن الكوليرا" و الاهم اني ارجع اقرا "مئة عام من العزلة" للمرة ال25 لحتى شوف كيف ممكن يكون شايف (مطر لمدة 3 سنين) أو هل من المعقول ان تصاب بلدة باكملها بداء النسيان؟؟؟؟؟
و فعلا اشتريت نسختين من كل كتاب (لحتى اذا صادروا واحد يكون في بديل) بلشت اقراهون مع بعض و الحمدلله يللي ما كتير حبيت "الحب في زمن الكوليرا"
ما لك بالطويل ...... انا هلأ بفترة نقاهة من "خريف البطريرك" و كنت مخطط اني ما اقرا " ليس للكولونيل من يراسله" قبل تموز (يوليو)
و هلأ حضرتك اجيت و فهمتني انو في كتاب جديد لماركيز

كمان عشان أحبطك زيادة
(في قصة حياة اركيز .. وإسمها "أن تعيش لتحكي")
وهو كتاب جيد جدا جدا جدا جدا
الطريف أن المراسلة الفرنسية سألت ماركيز عن السنين التي عاشها فقيرا هو وزوجته .. كيف كانا يأكلان ومم؟؟
أجاب ذلك العملاق بهدوء:
(كنا نعيش من المعجزة اليومية)