[همس الياسمين]

كاتب النص الأصلي : مجنون يحكي وعاقل يسمع

يسعدني صباحكون قشة لفة
همس الياسمين : افتكرتك همس السكاكين أي بالله ، بس أنا ما بلومك رغم أنو بختلف معك بكتير شغلات أهمها أنو كل شي قلتي عم ينبع من محبتك لسوريا ولشعب سوريا
وأيضاً يا سمر أنا ما بظن أنو حضرتك نقلتي المقال من كرهك وحقدك على سوريا والشعب السوري وإنما من حرقة قلبك على الوضع اللي وصلنالو وكلنا من حب تكون سوريا غير شكل
طبعا ما حدا بينكر أنو في أخطاء كتيرة بالتعامل بين السلطة والوضع الداخلية وعلى الكثير من الأصعدة وما رح أدخل بهالموضوع بس رح رد على الكاتب
الكاتب بيكتب بجريدة الرأي الكويتية بسهولة فيكون توصلو لبيت جدكون غوغووول وهوي بيبعت معكون ولد بوصلكون على صفحة فيها كل مقالات زين الشامي منشان مصير متل السيد الكاتب أو النظام اللي عم يحكي عنو أو بالأحرى حضرتو عم يحكي عن وطن أكتر ما عم يحكي عن النظام , فهذا الكاتب يتحدث بلون واحد وشكل واحد ونغمة واحدة مملة وخطابه كثيرا ما يشبه ويقترب من خطاب النظام
وأصلاً ما بتمنى حدا يضيع وقتو بقراءة المقالات بيكفيه يكون قرا المقال أعلاه
فمقالات هالزلمة لاتنتقد شيئا ولا يتفوق بكتاباته عن رودكما يا همس والياسمين ويا سحر والفرق أنه يكتب عن حقد وأنتي وهيي عم تتقاتلني أكيد عن حب
الله يرضا عليكما روقني وبلا مقاتلات وكل وحدة منكما تروح تسمع غنية للست فيروز وبالأخص أحب دمشق وشوفو شو منحب دمشق كلنا وإذا كرهنا حدا بالوطن مو عمناه أنو منكره سوريا الوطن وطنا والشعب نحنا وأخوتنا وآبائنا وأولادنا
وإذا بتحبو حطلكون هالمقال تحت سكين المجنون وشرحو ما عندي مشكلة
وصباحو

سيدي الجليل بحترمك مع وجود اختلاف وبتشكرك لفهم المقصد أنا ياأخي ماني ضدهم ولا عندي مشكلة معهم شخصيا بس أنا عم انزعج من اسلوبهم بيسبو كل الشعب وبيكرهو الوطن طيب ليش عم يحكو ازا الشعب بالنسبة ألهم منافق ومجرد قطيع ولئيم ..ليش عم يشوهو صورة البلد والشعب فيك تشوف ردودي في مساهمة ((هل السوري شجاع ؟؟) ورح تفهم وجهة نظري أنا مابدي ولا بحب اتعرض ولا أشتم اي حدى مهما كان بس مابقبل حدى يسب شعبي ووطني وقائدي .......
بالذات هدول يلي لاتزال دماء الشعب تلطخ ايديهم (مانيسنا التفجيرات ورصاصهم في اجساد أولادنا))يعني مالهم أنظم من حدى ولا نهم احسن من يلي عم يهاجموهم ازا افترضنا صحة كلامهم وانا بشك فيهم وبصحة كلامهم مليون بالمية..
أخي يلي بيحب سوريا وشعبها بكون معو همس الياسمين وبقدملو كل المحبة مع عقد من الياسمين......
اما يلي بيتجرأ وبيسب شعبي ووطني بحب قلو انو الياسمين بيصير سكاكين ....بيحقلي دافع واحكي ولو لزمني الامر اني انزل لمستواهم لك يااخي مابيحبو الرئيس يسطفلو ماقلتلهم حبوه ولا غصبتهم بس يحترمونا شوي نازلين مسبات ع الشعب السوري مرة جبان مرة منافق مرة الله يحرقهم مرة مجرد قطيع حاجة مللونا يعني على اساس هون منبر حر وموقع حر مو منبر انعمل خصيصا ليسب ويشتم الشعب السوري والرئيس
يعني فيهم يحكو بس بدون حقد ... اذا بتابع رح تعرف انهم مجندين للاسائة لكل الشعب مو بس لواحد
وتحياتي ألك انت شخصيا بتشكرك مداخلتك حملت الكثير من ماكنت احاول توضيحه منذ ايام مضت الا أنهم لايرغبون الا بسماع مايريدون ...
وشكرا مجددا لك انت