[Maher 4x4]

varon

اولا شو اكتر سيارة بتحبها؟؟؟
2_ اعطي لمحة عنك واحكي عن كل عضو بالاخوية ...FPRIVATE "TYPE=PICT;ALT="حاج هلا
....او شلون بلشت اتحب السيرات...

ج س 1 :

Porsche

ج س 2 :

أسمي ماهر و عمري 23 سنة مساعد مهندس ميكانيك (( أختصاص تبريد وتكييف ))بعد ما تخرجت عملت شوية دورات باختصاص السيارات هون و بأوكرايينا كوني سافرت لهنيك لعند عمي عدة مرات و تعرفت على أصدقاء اختصاصيين كانو كتير لطفاء و متواضعين و هني ساعدوني على أنو قوي حالي بمجال السيارات و شجعوني ع هالشي و ساعدوني بالاطلاع على كيفية تصنيع السيارات هنيك و التصاميم الموجودة و التصاميم المعتمدة من برا .. يعني من خارج روسيا و أوكرايينا .... ممممم شو كمان ... كنت رح كمل دراستي هنيك بس أولاً ما زبطت من الناحية المادية و ثانياً ما بحب الغربة ... بس هلأ أنا سجلت بجامعة للتعليم المفتوح و هالجامعة بريطانية و باختصاص (( بكالوريوس أدارة صناعية)) والحمدلله كتير بحب هالاختصاص و عم أدرس و أشتغل كون مافي دوام بهالجامعة شغلي هلأ مؤقت بشركة سيارات بس أنشالله هلأ عما قريب بدي زبط شغل خاص فيني ... بس دعيلي تزبط الأمور معي ...

مشان أعضاء أخوية كلهون حبابين و طيوبين و بيستاهلو كل خير و أنشالله تدوم هالمحبة بيناتنا و يسلمولي أعضاء الأخوية كلهون بدون أستثناء مية وردة

.... مشان كيف بلشت حب السيارات : أنا بحب السيارات و من أنا وزغير و كنت مشيبون لأهلي قد ما كنت خرب ألعاب سيارات و أعمل حوادث وهمية بيناتون و أعمل تجارب وفك وركب... ما ني متذكر ع المزبوط بس ع هوى ما يقولولي أهلي ما كنت خلي شغلة ما فكها وحللها لعواملها الأولية مو بس الألعاب

SIMON

شو نوع السيارة اللي بتقول أنو الأحسن برأيك..؟؟؟؟؟

يا هلااااااااا بالغالي

يا سيدي أنواع السيارات بحر ما بيقدر الواحد يقرر بس أنا بحب البورشه كتير لأنو حسب أطلاعي على تصاميما و خصوصاً تقنية المحركات جبارة جداً و دايماً ناجحة

بس منين يا حسرة الواحد يحصل على بورشيه!! بقا بدو ياخود السيارة اللي بتناسب أحتياجاتو ...