اقتباس:
|
انا رئيي من رئيك تمام بنسبة98% بس اذا استبدلنا كلمة يحبون ب يعجبون رح تكون النسبة 100%
|
أبتفرق... كشرقيين عندنا الاعجاب و الحب و العشق و التقديس و الكراهية فيك تقول كلو عند العرب حلاوة .. نفس الشي
كمان بعتقد انو في مشكلة تانية و هيي العقلية السياسية الشرقية, هي عقلية متخلفة.. ناتجة عن سوء أو قلة الاستخدام و التدريب.. ما زلنا نتكلم بالسياسة بمنطق شيوخ العشائر( مفكرينها بوس شوارب و تبادل زيارات و تهاني و أفراح)... لا نفقه في السياسة شيئا مهما اعتبرنا نفسنا عالمين.. العواطف تتحكم بشكل أساسي فينا.. و بيني و بينك بكلمتين ينضحك علينا...و راح احكيلك قصة..
بالجزيرة السورية .. اللي لهجتها قريبة جدا على لهجة اهل العراق عندنا مصطلح انك تقول لشخص "أخو هدلة" بمعنى فلان أخو هدلة = فلان شجاع (أكيد الها قصة و أصل بس ماننا بصددو حاليا).. و لما شخص يقول عن حالو "أنا أخو هدلة" يعني كأنو عم يقول "أنا لها" أو "أنا قدها و قدود" مثل ما يقولو بباقي أرجاء سوريا..
مرة من المرات صدام حسين عم يقولولو انو اميركا هيك و هيك بدا تعمل فيك و بدا تساوي و بدا و بدا... ردو كان انو دق ع صدرو و حمل هالمسدس الجربان متلو و صرخ "أنا اخو هدلة"... بهديك السنة فيني قلك نص مواليد الجزيرة سموهون صدام و عدي و قصي.. كرمال هالكلمة بس.. انو ضربت غريزتنا تبعيت على طراز .."وامعتصماه" .. هلأ ما تفرق معهون انو صدام مجرم و من هالحكي هاد .. أو حتى انو بلدو سقطت بيومين و هو تخبى بالجحور متل الفيران... لليوم "أبو الليثين" شبه مقدس .. و ع شو.. ع كلمتين .. صف حكي يعني...
طبعا هالأمر ينحل... لأنو الناس تتعلم من عثراتها.. لما تعطيها حرية الاختيار... و تختار الل يضحك عليها بالحكي و يطلع حكيو فالصو... ساعتها يمكن ينتبهو انو السياسة مانها حكي و شعارات... بس متل ما قلتلك.. كل واحد يتعلم من كيسو.. و ما حدا يولد متعلم