اقتباس:
|
كاتب النص الأصلي : كوستا
حزب الله انتهى يا دانيتو
واسرائيل ما خسرت
لانو الكل معها ورح يعوضولها كل الخسائر المادية
والكل يعني الكل دون استثناء
وهلأ قلولي اني متخاذل
بس هي الحقيقة
|
حزب الله انتهى؟ على أي أساس ؟
هلق من شروط اسرائيل :
1- إعادة غير مشروطة للأسيرين
2- بعد 300 تعديل سحب حزب الله لوراء الليطاني و ليس حتى تخليه عن السلاح
مع انو القرار الأممي ذكر هالنقطتين بس حتى فرنسا ما بعتت جنود لأنو ما عندهم صلاحية نزع سلاح المقاومة
الحقيقة هو انو اسرائيل خسرت خسارة كبيرة معنوية انو تحطمت اسطورة الجيش أما الحديث عن خسارة أكيد هني خسائر المادية كبيرة لكن لا تقدر بأي شكل من الأشكال مع لبنان و هني بيحصلو سنويا على 6 بليون دولار من اميركا على شكل مساعدات مباشرة و مساعدات عسكرية عدا عن المساعدات والتحويلات المخفية الخسارة المادية اللي لازم تتعوض هي خسارة لبنان
بصراحة الدعاية الإعلامية كبيرة بس شوف شو عم يصير بأسرائيل فضايح كل المسؤولين عم تطفو على السطح اعترافات الجنود على الأرض بتخوف من تهللها و أهم شي تحطم اسطورة غيرت النظريات العسكرية بالعالم لأنو التفوق الجوي يعني تفوق تام (سابقا) هي الحقيقة صارت بحكم التاريخ لأنو تكنالوجيا بسيطة خلتها تذهب مع الريح
الواقع هو انو المعركة الحقيقية هي معركة التحرر من الأنظمة يلي هي أكثر ضرار من اسرائيل نفسها
و توقيع اتقاقيات سلام و منح دولة للفلسطينيين و غير هيك منكون عم نلعب بالوقت الضائع و نمهد للحرب العالمية التالتة