موضوع جميل جداً بشكرك عليه
الموضوع من خلال قرائتي له بيحكي عن المجتمع اللبناني و عن أثر الاضطرابات بالبلد على تزايد خوف الأهل على الابناء وبالتالي زيادة التسلط
لكن مجملا فينا نقول موضوع تسلط الوالدين موجود بمجتمعنا "بقصد سوريا" بشكل واضح جداً
تدخل الأهل بالدراسة ... باللباس ... بالتصرف لدرجة أنهم بيمحو شخصية الإبن 
أنا ماني ضد تدخل الأهل بحياة الأولاد بس يعني تركولهم مساحة حرية ... ابنكم مانو نسخة عنكم أو لعبة اشتريتوها بمواصفات محددينا عالكاتالوج
لفت نظري العبارة التالية
اقتباس:
وتلفت الى ان التربية تختلف من جيل الى جيل، فالأمهات يصرحن بأنهن يرغبن في تربية أولادهن طبقا للطريقة التي تربين عليها لكن عند التطبيق تختلف التربية باختلاف الثقافة، الــوقــت، الــظــروف والوعي والمشكلة تقع عندما تتضارب الآراﺀ وتصل الى حائط مسدود. |
ما بعرف ليه حسيتا مش كتير زابطة والعكس صحيح
من خلال ملاحظتي بعتقد بالمجمل بيكون العكس ... قبل الزواج والانجاب العالم بتنادي بوجوب اعطاء الابن حريتو وأنو التربية على طريقة ستي وجدي ما عاد تنفع وهالجيل الو متطلبات جديدة
لكن بعد الزواج والانجاب بتفاجأ بنفس هالاشخاص ما طلعو من الإطار يلي تربو عليه ... بطريقة سلطوية قاسية
لما بناقش رفقاتي بهالموضوع بيقولولي بس تصيري أم رح تغيري رأيك ورح تتصرفي مع ولادك متل ما تصرفو أهلك معك
اقتباس:
|
وتنصح بالمصارحة الدائمة واقامة علاقة مبنية على التفاهم والثقة الكاملة بين الأهل من جهة والأولاد من جهة أخرى، لتجنب الخلافات او حتى العنف الأسري،
|
كلام سليم
اقتباس:
|
وتشدد على ضرورة اطلاع الأهل على ما يجري وتفادي الكذب والغش
|
طبعاً الأهل هنن يلي رح ينمو هالشي عند ابنائهم ... من خلال تفهمهم لأخبار ولادهم وما تكون ردود فعلهم عنيفة إذا ابنهم خبرهم شي خبر مو حلو أو خطأ ارتكبو ... وإلا يعني طبيعي رح يخبي عنهم بعدين
اقتباس:
|
لأن الأهل يدركون كل شيﺀ ولديهم نظرة مستقبلية لما يجري اكثر من اولادهم".
|
الأهل أكثر معرفة من ابنائهم وهالشي طبيعي بحكم التجارب يلي مرو فيها وهنن دايماً بيتمنو الأفضل لأولادهم
لكن ما بيعني دومأ أنهم قادرين يتخذور قرارات أصح بحياة ابنائهم من الأبناء أنفسهم ...
كلامي الأخير هو من تجربة شخصية
برجع بشكرك على موضوعك 
// وأنّ حضورك في دمي مسكُ الختام //
|