أخوية - عرض مشاركة واحدة - اتقبل مصاهرة رجل متزوج ؟....أتقبلين انت الزواج من رجل متزوج؟

hamido1979 · 10/12/2006

اقتباس:

كاتب النص الأصلي : Lotus

هلأ....بشكرك على الموضوع...
بالنسبة للتعدد هو جاية بالإسلام بضوابط ولأسباب متل الحروب والمرض والعقم وغيرا.... وهيي محددة بالإسلام ومبينة...
بالنسبة إلي... أكيد بحترم رأي الشرع لإنه وأت حط هالمبدأ فهو عم يحل مشكلة مجتمع ويعمل على حمايتو ولا يقف عند حالة فردية فقط!!! وكونه في آراء مو مع هالتشريع فهيدا بسبب قصر نzرن عن المصلحة العامة يلي شملها التشريع...

بالنسبة إلي كشخصة... بمعزل عن ما زكرته سابقا.. يعني إلي رأي بيمسلني فقط وما عم إحكي عن غيري من الصبايا...

أكيد ما برضى كون زوجة برقم!!! يعني حدن متزوج من أبل..لأ... صعبة واحتمال ضئيل جدا !!!

ما في شي بيخليني أأبل هيك وضع....مع إنه فيها وما فيها لإنه أحيانا بيكون الحئ مو على الرجال.. بيضل احتمال بعيييييييييد إني إإبل طبعا في حالة إنه ما في على زمته مدام

ومنيح كتير ومكسور قالبه وما بيتفوّت.. بس برجع بؤول صعبة... مو لشي .... لإني بعرف حالي... يعني ... الغيرة رح تكون مصدر شعور سلبي دائم إزا كانت بعدا موجودة بمحيطه أو بحياته... أو بألبه...ولي !!!

إزا كان على زمته حدن.. أكيد لأ... ما فيها نقاش...

متل ما هو بحياتي واحد ما في غيره عاطفيا وزواجيا!!

كمان ما بئدر اتحمل يكون بحياته حدا تاني غيري... لإنه مو عدل... أنا حبه... وهو يتزوج من تانية!!!

إزا الشغلة عدم إخلاص... أو بطل الحب عنده متل أبل.. يعني تغير... يروح وما لي أسفانه عليه..
بس إزا كان الوضع في عزر أو سبب وما في مفر من هي الشغلة....كمان الله معه ويتركني لإني ما برضى كون زوجة برقم....
صعبة كتير...
وأنا معك يا dooody بكلامك...

بس ليش حاسة إني كتبت هالحكي بشي موضوع؟!!!

ميرسي على الموضوع

كلامك مو صحيح بالنسبة للدين

اما الباقي صحيح 100 بالـ 100

شكرا للمرور اغنيتي الموضوع و ما قصرتي

نورتينا