[أم الجود]

كاتب النص الأصلي : lolo510

من كتر قهري ما عرفت شو بدي ساوي ....
فقلت لحالي لاخد رأي الاخوية
مشاكل زوجية هي المسمى يللي بينطوي تحته موضوعي بإختصار كيف فينو للرجال يربي مرة او يغيرها للاحسن ؟؟؟
أخي متزوج وحدة الله يجيركن منا والمشكلة انا من أرايبينا القصة انو جاب منا اربع ولاد و طول هالسنين ما عم تنعدل لا بأخلاق ولا باهانة ولا بشي اخر المتمة اخي رمى عليها يمين طلاق ما تنام بيبيتا اسبوعين وطبعا لما اجت لتحرد لوين يا حزركن راحت ؟؟؟؟ لحماها ( لبيتنا ) مو لاهلا وصرلا اسبوع بتروح وبتيجي ما بتسأل عن ولادا حتى من منطلق خليه يشوف شو انا متحملة واديه عم اصبر معه يعني كأنا هي يللي عم تربينا مو اخي بالرغم انو مانا منقصين عليها شي فيلا وسيارة وخدامة ....
مالنا بطول السيرة نحنا ضايعين ومو عارفين شو الموقف يللي لازم ناخدوا كونه مو ضايلها الا طلقة وحدة
فكركن شو العمل معها ؟؟؟

المشكلة يا عزيزتي يمكن ما تكون بمرت أخوكي .. بل بالتصور اللي عند أخوكي و حتى عندك انتي للمعاملة الزوجية ..
أول شي أنه تكون الأسرار الزوجية مستباحة من قبل الغير هادا شي غلط حتى لو كانوا الأهل و ما حدا غريب .. غالباً المشاكل بتجي لما الأهل بيتدخلوا و بيصيروا -و مرات عن حسن نية- ينقلوا حكي و يكبروا براس طرف ضد الطرف التاني ..
تاني شي علاقة الزوج و الزوجة علاقة تكافؤ ند لند ، و مو المفروض أحد الطرفين يسعى ليربي التاني .. المفروض أنه الشب و البنت قبل الزواج بيتعرفوا على بعض و إذا انسجمت طباعن بيتزوجوا و بيكملوا حياتن سوا و إذا لأ كل مين بيروح بطريقو .. و مو الحل أنه يتزوجوا و يحاول كل واحد منن يفصل التاني ع قياسو و إذا ما مشي الحال يصير يلوّح بالطلاق.
تالت شي .. يسر الحال أكيد شغلة منيحة بس وجود المصاري ما بيعني أنه كل شي تمام و أنه مرت أخوكي مالا حق يكون في شي مضايقها .. يمكن هي بحاجة لشي أبسط بكتير و أرخص من الفيلا و السيارة و الخدامة .. بحاجة لرجال يحبها و يحس فيها و يحترم كيانها ... مو يجرّب يربّيها و يصغّرها بعين أهلو.