اقتباس:
كاتب النص الأصلي : Abu ToNi
ما بدنا نحكي على مستوى الدول ولا بدنا نفوت على مستوى الاشخاص
خلينا هون على مستوى الاخوية
بعد عملية - الاضطهاد - اللي تعرضتلا البنت السعودية الفايتة حديثا على الاخوية نتيجة جنسيتها واللهجة اللي كتبت فيا (( فقط لا غير ))
صار لازم نوقف شوي مع حالنا ونشوف نحن وين الله حاطتنا ؟!
خصوصا اننا شفنا (( ولسع عمنشوف )) مستوى جدا متدني بالتعامل بين السوريين والسعودين فشو السبب ؟! وهل في شي ابعد من السياسة خلف هلموضوع ؟! وهل كل الاسباب اللي صاير مشانها الخناقات سياسية بحتة ولا في شي تاني ابعد من هون ؟!
|
المشكلة انو القضية الها ذيول و تشعبات من زمان ...
يعني تقريباً من أول الحرب على غزة صرنا نلاقي جحافل من هالنوعيات بتيجي و بتسجل وبتبلش مواضيع بتفزز العصب من نوع
السعودية تتبرع لاطفال غزة-الملك عبد الله يفتتح مستشفى ميداني-سقوط الاقنعة عن دول الممايعة-نظرية المقاومة الفاشلة...أسود الوجه الشيخ الفلاني يسب أهل السنة و الجماعة...
الكل تبرع و الكل تظاهر فما كان في داعي لهالتطبيل و التزمير المالو طعمة...
يعني هيك بتحس الموضوع مقصود...
وبقول انو نفس الوضع لما بتدخل على شي منتدى سعودي ...يعني كفور و دخول على موقع سعودي وشوف الكرم العربي الاصيل...
ماحدا بيرضى الاهانة و الكل الو لسان و بيقدر يتفهمن و يتهضمن على كيفو..أول مابترد بتلاقيهون عبردو عليك مو على كلامك فمن الطبيعي ترد الاهانة باهانة و هيك بتشعب الموضوع و بيكبر...
وهاد الشي مو بس بمواضيع الاخوة بالسعودية..بأغلب المواضيع بتكون القصة صغيرة و بتكبر و الامثلة كتيرة..(الفرق بين السورية و الاردنية بلّش مزحة و فلب معركة ضروس) (العلاج بالقرأن بلش بموضوع ديني انتهى بصور الملك عبد الله مع اولمرت)...
شي طبيعي معلم...
