[Syrian Gay]

وشم الجمال

هلأ مرحبا رامي مع امو كان بنيتي ما ادخل المقلاية لانو انزعجت من التعليقات على اسئلتي وغرضي بس سلي المقلي وخليه يعرف حالو اكتر ...ما علينا ما هان علي والله دخلك فيها وما أسألك
مين أمو .. لا عم بمزح معك
ولا يهمك لا تنزعجي ولا شي .. هو كتير اسئلة ما رح جاوبك عليون وخاصة بالاسئلة الادبية .. يعني ما رح تقطعي رقبتي إذا ما قدرت جاوب ع كل الاسئلة ..

اول شي شو اسم كاتبكـ المفضل؟ ما عندي كاتب .. بختار الكتب من السمعة مو من اسم الكاتب
بتحب الشعر ؟؟ لمين بتقرا؟؟ ما كتير بحبو .. بس بشكل عام بيعجبي شعر نزار

شو رأيك بالحب؟؟؟ أجمل ما في الكون .. الحب من عالبلكون .. هللا اخترعتا ع اساس بيت موزون

شو رأيك بالسلام؟؟؟ حلو كتير .. انا كتير بحب السلام .. بس أهم الشي ما بيكون ظالم بحق طرف من المتخاصمين

عمرك حسيت بالظلم؟؟؟ وشو الموقف؟؟ بحس بالظلم كتير .. ظلم اجتماعي و وظلم ديني

شو طموحكـ في الحياة؟ أني وعّي أكبر عدد ممكن من الناس إن كان لقضيتي أو لأشياء تانية بأمن فيا بس طبعاً كمان ما تكون خاطئة (من مشاركة سابقة)

شو بتعنيلك السياسة؟؟ حلوة مرات ومعتّة مرات .. بس هي شي ما بنقدر نستغني عنو وخاصة نحن السوريين .. اوضاعنا ما بتسمحلنا انو نكون غير سياسيين .. بغض النظر عن طريقة تفكير كل شخص بالسياسة .. بس ما بعتقد في سوري ما بيعرف مين حسن نصر الله مثلاً أو مين بوش .. ع عكس المجتمعات التانية يللي حتى في منون ما بيعرفوا مين رئيس دولتها (من مشاركة سابقة)

بشو بتوصف علاقتك بالاخوية؟؟؟ أخوية مجتمعي الوحيد حالياً .. عطني اكتر مما عطيتا ..

هل بتعتبر الوضع بالبلدان العربية حاليا على شفا جرف هار؟؟؟ أكيد

الاغتصاب ... شو الشعور اللي بتخلقو هاي الكلمة بأعماقك؟؟؟ اشرس عمل بشري .. ما بتصور أحقر من عملية الاغتصاب وخاصة بالنسبة للأطفال

هل تؤمن بالسلام بشكل عام؟ اي

وشو حل القضية الفلسطينية برأيك؟؟؟ يا يتفقوا طرفي النزاع يا مافي حل أبداً

شو قمة الصدمة عندك؟؟؟ انو اكشف شخص بحبو ع اساس بيحبي .. بيطلع ما بيطيقني .. بنصدم وبقوللو "لــــيــــش ؟!"

شو موقع رامي من الإعراب يعني انت وين وصلت ولوين بدك توصل ؟؟؟ ما بقدر او قيّم لوين وصلت .. بس لوين بدي أوصل فهاي بدها صفنة كبير .. ألي امال كبيرة بنفسي بدي حققها وخاصة بمجال حرية المثليين وعدم اضطهادون .. لو ع جنازتي الله وكيلك

شو الشي اللي ما فيك تستغني عنو؟؟؟أساسي بحياتك؟؟؟ شوي تافهين .. بس الأغاني و النوم والانترنت

جربت الخيانة؟؟؟ عمرو حدا خانك وعمرك خنت حدا ؟؟ وشو تعريف الخيانة بالنسبة الك؟ اي جربت .. خنت وخانوني .. بس بكل الاحوال ما كتير بيهمني الخيانة .. بترك الشخص بأرضو .. ماني مستعد عيش مع شخص مزدوج .. وكمان شعرت بشعور الخيانة فبطلّت خون حدا .. والخيانة بتحسس الشخص أنو هو تافه كتير

شو لونك المفضل ... غنيتك المفضلة؟؟؟ الاسود .. حالياً غنية ليندا ليندا ياحياتي

بلد نفسك تزورها؟؟ ايطاليا

حدا باخوية نفسك تقلو شي معين... بيعرف حالو .. بس ما حدا من حوالي بيعرف مين هو .. وبقوللو .. ما خرطو مشطي تصرفاتك ..

مين العضو يللي اعجبك كتير تفكيرو ونقاشو ياس

اكتر عضو حبيتو حسون

شو بيعنيلك الشهيد؟؟؟ شخص مقدّس .. بحترمو وبحترم اسمو كتير .. هو شخص قدّم أغلى الشي عندو .. معقول ما بيعني لأي إنسان شي ؟

لما تشوف الوضع والحصار بغزة شو بتقول بنفسك؟ الله يعين .. والله لا يوفق ورا اللي كان السبب

يحيى عياش ... شو بيعنيلك؟؟؟بيعنيلي متل أي شهيد

شو رأيك بنزار قباني... مظفر النواب... محمود درويش... فدوى طوقان... ما عندي رأي .. بس كبار

بتقرا شعر جاهلي.... ما كتير بهضمو

ازا حبيت وحبيبتك كانت بتحب صديقك شو رح تكون ردة فعلك لما تصارحها وتكتشف هالشي؟ ما بتزبط معي هالقصة .. رح تعيدي صياغة الجملة من جديد .. بس ما زال بيحب صديقي .. فبتركو لحبيبي لأن انا ما رح ينبسط معي ورح يضل بحسرة صديقي وما بقدر اجبرو ع حالي

شو أبشع منظر شفتو بالانتفاضة ... يعني اسرائيلي ... كللو بشع .. مافي شي محدد ..

شو أبعد شي ممكن يوصلو خيالك؟ بعيد بعيد كتير .. خيالي واسع بس ما بقدر عبّر عنو بالكتابة للأسف
بتحب القهوة؟؟؟ لاء ابداً

عمرك كتبت شي خاطرة ادبية؟ كمان لاء ابداً

بتحب الادب؟ انو عادي .. بس مالي مراق فيه

شو نقطة ضعفك؟ الدغدغة .. لأن كتير برتخي وما بحس شو عم يصير حولي حتى من بعد الدغدغة

شو نقطة قوتك؟ ما بوقع بشباك الحب فوراً

كلمة بتوجهها لكريم ولا يهمك .. انت وافكارك صارت بالنسبة النا فخر نعتز فيه

شو رأيك بهالعبارات... عقب عليها يعني....

1-ايها المارون بين الكلمات العابرة
كالغبار المر مروا اينما شئتم ولكن
لا تمروا بيننا كالحشرات الطائرة
خلنا في ارضنا ما نعمل
و لنا قمح نربيه و نسقيه ندى اجسادنا
:و لنا ما ليس يرضيكم هنا
حجر.. او خجل
فخذوا الماضي،اذا شئتم الىسوق التحف
و اعيدوا الهيكل العظمي للهدهد، ان شئتم
على صحن خزف
لناما ليس يرضيكم ،لنا المستقبل ولنا في ارضنا ما نعمل

2-من أقاصي اليأس يولد دائما منتهى الأمل.

3-أما اسرائيل فلم تعد بحاجة إلى الإعلان عن شئ يخص حدود اعتباراتها الأمنية من> تطوعت الأدوات العربية لخوض حربها مع الفلسطينيين ... ومن> تزايد عدد حراسها العرب...

4-لبرميل النفط سعر يعلو ويهبط ... ولكن لا سعر لبرميل الدم لا في السوق السوداء ولا في السوق البيضاء.

5-جزء كبير من الرحيل هو في حقيقته تحدي الأنا للعالم الخارجي. العالم عتيق كالصخور ومتبدل كالبحر .والأنا ترغب في الوصول الى الاماكن البعيدة سالمة وفي الوقت المحدد

مارح عقب ع شي محدد .. بس كللون حلوين كتير .. واختيار اكثر من رائع ..