أحلى شي اليوم حاطين بموقع ما رح سمّيه (بالأحرى مدوّنة مش موقع) دعاية للمباراة و كاتبين
الاتحاد
الحلبي Vs الكرامة
السوري
و طبقاً لهالكلام استنتجت انو الاتحاد مانو سوري انما حلبي... و بالتالي حلب اعلنت استقلالها و مالي خبر بهالشي...
س سؤال: بدها فيزا الفوتة ع حلب هلأ؟
على اعتبار أنا اهلاوي سابق ...سابق لأنو كانو السبب بهبوط نادي الفرات عالدرجة التانية لما لعبو مباراتهون ضد الجماهير (النواعير حالياً) بفريق الناشئين, و كان و لو ربحانينا كان ما هبطنا هالهبوط اللي كان من أساسو ظالم لأنو شطبولنا 10 نقاط بسبب خناقة مع جمهور الفتوة (هالحكي بدوري اليد بموسم 99-00).. من هالاعتبار بتمنى هيك تنطقّو خسارة شي بقد القلعة...
و نستغل هذه الفرصة لنحيي أنصار و مشجعيي نادي برشلونة الإسباني مروراً ببرشلونة العرب نادي الكرامة (
السوري)
